Viswam movie : మ్యాచో స్టార్ గోపీచంద్ నటిస్తున్న లేటెస్ట్ మూవీ ‘విశ్వం’ ప్రేక్షకులను అలరించడానికి సిద్ధమైంది. శ్రీను వైట్ల దర్శకత్వంలో తెరకెక్కిన ఈ చిత్రంపై అంచనాలు భారీగా ఉన్నాయి. టీజర్, ట్రైలర్లు మంచి స్పందన తెచ్చుకోవడంతో అభిమానులు ఈ సినిమా కోసం ఆసక్తిగా ఎదురు చూస్తున్నారు.
‘విశ్వం’ సినిమా సెన్సార్ పనులు పూర్తి చేసుకుని, ‘యు/ఎ’ సర్టిఫికెట్‌ను అందుకుంది. చిత్రం రన్‌టైమ్ 2 గంటల 36 నిమిషాలుగా ఉండనుంది. చిత్ర యూనిట్ అన్ని వర్గాల ప్రేక్షకులను ఈ సినిమా ఆకట్టుకుంటుందని ధీమా వ్యక్తం చేస్తోంది. కావ్య థాపర్ ఈ చిత్రంలో హీరోయిన్‌గా నటిస్తుండగా, చైతన్ భరద్వాజ్ సంగీతం అందించారు. పీపుల్ మీడియా ఫ్యాక్టరీపై టీజీ విశ్వప్రసాద్ నిర్మించిన ఈ చిత్రం అక్టోబర్ 11న ప్రేక్షకుల ముందుకు రానుంది.
