Samyuktha Menon : తెలుగు తెరపై తనకంటూ ప్రత్యేకమైన గుర్తింపు తెచ్చుకున్న మలయాళ ముద్దుగుమ్మ సంయుక్త మీనన్. ఆమె త్వరలోనే ప్రేక్షకుల ముందుకు కొత్త అవతారంలో రాబోతోంది. భీమ్లా నాయక్ సినిమాతో తెలుగు ప్రేక్షకులను అలరించిన ఈ ముద్దుగుమ్మ, ఆ తర్వాత వరుస సినిమాలతో విజయం సాధించి లక్కీ బ్యూటీగా పేరు తెచ్చుకుంది.
అయితే ఇటీవల కాలంలో సినిమాల సంఖ్య తగ్గించి, ఎంపిక చేసుకున్న కొన్ని ప్రాజెక్టులతోనే ముందుకు సాగుతోంది. వచ్చే ఏడాది మూడు నాలుగు సినిమాలతో ప్రేక్షకుల ముందుకు రాబోతున్న సంయుక్త మీనన్, అందులో ఒకటి లేడీ ఓరియంటెడ్ సినిమా అని తెలుస్తోంది. హీరోయిన్‌గా మంచి ఆఫర్లు వస్తున్న సమయంలో అనూహ్యంగా ఈమె లేడీ ఓరియంటెడ్ సినిమాను చేయడం విశేషం.
రాజేష్ దండా నిర్మాణంలో రూపొందుతున్న ఈ భారీ బడ్జెట్ సినిమాలో సంయుక్త మీనన్ హీరోయిన్‌గా నటిస్తోంది. అంతేకాకుండా, ఈ సినిమాలో తన పారితోషికంతో పాటు కొంత మొత్తాన్ని సినిమాలో పెట్టి సమర్పకురాలిగా కూడా వ్యవహరించబోతుంది. ఇప్పటి వరకు చాలా సినిమాల్లో హీరోయిన్ గా నటించిన సంయుక్త, తొలిసారి నిర్మాతగా సినిమాను చేయడానికి సిద్ధమవుతోంది.
విశ్వసనీయ వర్గాల సమాచారం ప్రకారం, ఈ సినిమా కథ మొదట సమంత వద్దకు వెళ్లిందట. ఆమె కథను నచ్చజేసి, డేట్లు ఇవ్వడానికి కొంత సమయం అడిగింది. కానీ చాలా రోజులు సమంత డేట్ల కోసం వెయిట్‌ చేసిన రాజేష్ దండా, చివరకు ఆమె డేట్లు లభించక పోవడంతో చేసేది లేక సంయుక్త మీనన్ తో సినిమాను చేసేందుకు రెడీ అయ్యాడు అనే వార్తలు వస్తున్నాయి.
