Toxic movie : కేజీఎఫ్‌ సిరీస్‌తో పాన్‌ ఇండియా స్టార్‌గా మారిన యశ్‌ నటిస్తున్న తాజా చిత్రం ‘టాక్సిక్‌’. గీతూ మోహన్‌ దాస్‌ దర్శకత్వం వహిస్తున్న ఈ చిత్రం ప్రస్తుతం హాట్‌ టాపిక్‌. కియారా అడ్వాణీ కథానాయికగా నటిస్తుండగా, నయనతార, హ్యుమా ఖురేషీ కీలక పాత్రలు పోషిస్తున్నారు. ఇప్పటికే ఓ యాక్షన్‌ షెడ్యూల్ పూర్తి చేసుకున్న ఈ సినిమా తదుపరి షెడ్యూల్ కోసం ముంబైలో ప్రత్యేక సెట్లు రెడీ అయ్యాయి.
ఈ నెలాఖరు నుంచి యశ్‌, కియారా అడ్వాణీలపై రొమాంటిక్‌ సన్నివేశాలు చిత్రీకరించనున్నారు. దాదాపు 45 రోజుల పాటు సాగే ఈ షెడ్యూల్‌లో నాయకనాయికల లవ్‌ ట్రాక్‌తో పాటు మిగతా ప్రధాన తారాగణంపై కీలక సన్నివేశాలు తెరకెక్కించనున్నారు. పీరియాడిక్‌ యాక్షన్‌ డ్రామాగా రూపొందుతున్న ఈ చిత్రం వచ్చే ఏడాది రెండవ అర్ధభాగంలో ప్రేక్షకుల ముందుకు రానుంది.
