Bharateeyudu 3 : తమిళ సినీ పరిశ్రమలోని పలు వర్గాల సమాచారం ప్రకారం, కమల్ హాసన్ నటించబోతున్న భారతీయుడు సిరీస్‌లోని మూడవ భాగం నేరుగా ఓటీటీ వేదికపై విడుదల కానున్నట్లు తెలుస్తోంది. శంకర్ దర్శకత్వంలో రూపొందుతున్న ఈ చిత్రం, లైకా ప్రొడక్షన్స్ బ్యానర్‌పై తెరకెక్కుతోంది.
జులైలో విడుదలైన భారతీయుడు 2 అనుకున్నంత ఆదరణను పొందకపోవడంతో, భారతీయుడు 3 సినిమా థియేట్రికల్ వ్యాపారంపై ప్రభావం పడే అవకాశం ఉంది. ఈ కారణంగా, చిత్రబృందం నేరుగా ఓటీటీలో విడుదల చేయాలని భావిస్తున్నట్లు తెలుస్తోంది. అయితే, ఈ విషయంపై చిత్రబృందం నుండి ఇంకా అధికారిక ప్రకటన రాలేదు. భారతీయుడు 3లో కమల్ హాసన్‌తో పాటు సిద్ధార్థ్, కాజల్, రకుల్ ప్రీత్ సింగ్, ప్రియా భవానీ శంకర్ వంటి ప్రముఖ నటులు నటిస్తున్నారు. ఈ సినిమాపై అభిమానుల్లో భారీ అంచనాలు ఉన్నాయి.
