vettaiyan trailer : సౌత్ ఇండస్ట్రీలో ప్రస్తుతం మోస్ట్ ఎవైటెడ్ మూవీ ‘వేట్టైయన్ – ద హంటర్. సూపర్ స్టార్ రజినీకాంత్ ప్రధాన పాత్రలో నటిస్తున్న ఈ చిత్రం కోసం అభిమానులు ఈగర్ గా వెయిట్ చేస్తున్నారు. లైకా ప్రొడక్షన్స్ బ్యానర్ పై తెరకెక్కిన ఈ చిత్రం, దసరా కానుకగా అక్టోబర్ 10న ప్రేక్షకుల ముందుకు రానుంది. ఈ నేపథ్యంలో ఈ సినిమా ట్రైలర్ ను వదిలారు మేకర్స్. దీనికి సూపర్ రెస్పాన్స్ వస్తోంది.
వేటయన్ – ద హంటర్ చిత్రం, దేశంలో ఆడపిల్లలకు భద్రత లేకపోవడం, కానీ నేరస్తులకు మాత్రం బాగా భద్రత ఉండటం వంటి సమస్యలను ప్రతిబింబిస్తుంది. ఈ నేపథ్యంలో, రజినీకాంత్ పోలీస్ ఆఫీసర్ పాత్రలో నటిస్తూ, ఈ సమస్యకు పరిష్కారం చూపాలని నిర్ణయించుకుంటాడు. అతని ఈ పోరాటంలో అతనికి అమితాబ్ బచ్చన్, రానా దగ్గుబాటి, ఫాహద్ ఫాజిల్ వంటి ప్రముఖ నటులు తోడుగా ఉంటారు.
ట్రైలర్‌లో, రజినీకాంత్ తన స్టైలిష్ నడక, హుందాతనంతో ప్రేక్షకులను అలరిస్తాడు. అమితాబ్ బచ్చన్, రానా, ఫాహద్ ఫాజిల్ వంటి నటులు కూడా తమ పాత్రలకు న్యాయం చేశారు. ట్రైలర్‌లోని ప్రతి సన్నివేశం, ప్రేక్షకులను కథలోకి లాగేలా ఉంటుంది. రజినీకాంత్ మరియు లైకా ప్రొడక్షన్స్ కలిసి నాలుగో సినిమా. అనిరుద్ రవిచందర్, రజినీకాంత్‌కు నాలుగో సినిమాకు సంగీతం అందిస్తున్నారు. ఈ చిత్రం తమిళ, తెలుగు, హిందీ, కన్నడ భాషల్లో విడుదల కానుంది. మరి వైట్టైయన్ సినిమా ఏ రేంజ్ లో సక్సెస్ అవుతుందో చూడాలి.
