Kanthara 2 : 2022లో విడుదలైన ‘కాంతార’ సినిమా కన్నడ సినీ పరిశ్రమలోనే కాకుండా దేశవ్యాప్తంగా సంచలనం సృష్టించింది. రిషబ్‌ శెట్టి దర్శకత్వం వహించి నటించిన ఈ సినిమా భారీ వసూళ్లతో పాటు విమర్శకుల ప్రశంసలను అందుకుంది. సినిమాలోని కథ, నటన, సంగీతం ప్రేక్షకులను ఎంతగానో ఆకట్టుకున్నాయి.
‘కాంతార’ సినిమా విజయం తర్వాత, ప్రేక్షకులు సీక్వెల్‌ కోసం ఎంతగానో ఎదురుచూశారు. అయితే, రిషబ్‌ శెట్టి సీక్వెల్‌కు బదులు ప్రీక్వెల్‌ను తెరకెక్కించాలని నిర్ణయించుకున్నారు. ‘కాంతార: చాప్టర్‌ 1’ అనే పేరుతో ఈ ప్రీక్వెల్‌ చిత్రీకరణ ప్రారంభమైంది. తాజాగా వినిపిస్తున్న వార్తల ప్రకారం, మలయాళ సూపర్‌స్టార్‌ మోహన్‌లాల్‌ ఈ సినిమాలో కీలక పాత్రలో నటించనున్నారు. రిషబ్‌ శెట్టి కి తండ్రిగా మోహన్‌లాల్‌ను ఎంపిక చేసే అవకాశం ఉంది. ఇద్దరు స్టార్‌ హీరోలు ఒకే సినిమాలో కలిసి నటించడం ఇండస్ట్రీలో హాట్‌టాపిక్‌గా మారింది. ‘కాంతార’ సినిమాలోని మాయాజాలాన్ని ఈ ప్రీక్వెల్‌లో కూడా చూడాలని అందరూ ఆశిస్తున్నారు.
