Laapatha Ladies : ‘ఆర్‌ఆర్‌ఆర్‌’ తర్వాత ఆస్కార్ వేదికపై దేశం తరఫున ప్రాతినిధ్యం వహించే అవకాశం ‘లాపతా లేడీస్’ చిత్రానికి లభించింది. కిరణ్ రావు దర్శకత్వంలో ఆమిర్ ఖాన్ నిర్మాణంలో తెరకెక్కింది ఈ సినిమా. విమర్శకుల ప్రశంసలు అందుకున్న ఈ చిత్రం, పలు చిత్రోత్సవాలలో ప్రదర్శితమై తన సత్తా చాటింది.
సుప్రీం కోర్టు 75వ వార్షికోత్సవ వేడుకల్లో ‘లాపతా లేడీస్’ చిత్రాన్ని ప్రత్యేకంగా ప్రదర్శించడం విశేషం. ఇది చిత్రానికి మరింత గుర్తింపును తెచ్చిపెట్టింది. ఫిల్మ్ ఫెడరేషన్ ఆఫ్ ఇండియా, 2025 ఆస్కార్ పురస్కారాలకు భారతదేశం నుంచి ‘లాపతా లేడీస్’ చిత్రాన్ని అధికారికంగా ఎంపిక చేసింది. దేశవ్యాప్తంగా 29 చిత్రాల నుంచి ఈ చిత్రాన్ని ఎంపిక చేయడం జరిగింది.
ఆమిర్ ఖాన్ మాజీ భార్య కిరణ్ రావు దర్శకత్వం లో ఆమిర్ ఖాన్ నిర్మాణంలో తెరకెక్కడం విశేషం. స్పర్శ్ శ్రీవాత్సవ, నితాన్షి గోయెల్, ప్రతిభ తదితరులు ప్రధాన పాత్రలు పోషించారు. ‘లాపతా లేడీస్’ చిత్రం ఆస్కార్ వేదికపై భారతీయ సినిమాను ప్రతినిధించడం దేశానికి గర్వకారణం. ‘ఆర్‌ఆర్‌ఆర్‌’ తర్వాత మరోసారి భారతీయ చిత్రం అంతర్జాతీయ వేదికపై నిలిచడం సినీ ప్రేమికులందరికీ ఆనందాన్ని కలిగిస్తోంది.
