Mrunal Thakur : ప్రేమ కథలకు అభిమానులు ఎప్పుడూ ఆదరణ చూపుతూనే ఉంటారు. తాజాగా అందాల మృణాల్ ఠాకూర్ , సిద్ధాంత్ చతుర్వేది జోడీగా నటిస్తున్న ఒక వెరైటీ ప్రేమకథా చిత్రానికి ‘తుమ్ హీ హో’ అనే టైటిల్ ను ఖరారు చేశారు. ఈ సినిమాను ‘ఆషిఖీ 2’ తరహాలో మ్యూజికల్ లవ్ స్టోరీగా తెరకెక్కిస్తున్నారు.
ఈ సినిమాలో మృణాల్, ‘సిద్ధాంత్ ఇద్దరూ సంగీతకారులుగా కనిపించనున్నారు. ఈ సినిమా ఒక రొమాంటిక్ డ్రామా. ఇందులో మృణాల్ సిద్ధాంత్ ల కెమిస్ట్రీ ప్రేక్షకులను ఆకట్టుకుంటుందని భావిస్తున్నారు. సినిమా చిత్రీకరణ ప్రారంభమైంది. వచ్చే నెలలో ఉత్తరాఖండ్‌లో మరో షెడ్యూల్‌ ప్రారంభం కానుంది. ఈ సినిమాను సంజయ్ లీలా భన్సాలీ నిర్మిస్తున్నారు. రవి ఉద్యవార్ దర్శకత్వం వహిస్తున్నారు. ప్రస్తుతం మృణాల్ ఠాకూర్ ‘సన్ ఆఫ్ సర్దార్ 2’ సినిమాలో బిజీగా ఉన్నారు.
