Tollywood : టాలీవుడ్ సినీ పరిశ్రమలో ఎప్పుడూ కొత్త ప్రయత్నాలు, కొత్త ముఖాలు కనబడుతూనే ఉంటాయి. ఈ క్రమంలో.. విరభ్ స్టూడియోస్ అనే కొత్త ప్రొడక్షన్ హౌస్.. తమ తొలి చిత్రానికి “గదాధారి హనుమాన్” అనే టైటిల్ ను ఖరారు చేశారు. ఈ చిత్రం ద్వారా రోహిత్ కొల్లి అనే టాలెంటెడ్ డైరెక్టర్‌ని పరిచయం చేస్తోంది. ఈ చిత్రం మూడు భాషల్లో విడుదల కానుండటం విశేషం. రవి, హర్షిత, బసవరాజు హురకదలి, రమేష్ పండిట్, నగేష్ మైయ్య, కళ్యాణ్, సునంద తదితరులు నటిస్తున్నారు.
ఈ చిత్రం అన్ని వర్గాల ప్రేక్షకులను అలరించడమే లక్ష్యంగా తీసినట్లు తెలిపింది చిత్రబృందం. ప్రొడ్యూసర్లు బసవరాజు హురకదలి మరియు రేణుక ప్రసాద్ కే.ఆర్, ఈ చిత్రాన్ని చాలా జాగ్రత్తగా నిర్మించామని, ప్రేక్షకులు థియేటర్ నుంచి బయటకు వచ్చేటప్పుడు ఒక కొత్త అనుభూతిని పొందుతారని నమ్మకంగా ఉన్నారు. ఈ చిత్రంలో అన్ని అంశాలను జోడించి ఒక డివైన్ టచ్‌ని అద్భుతంగా ఇచ్చామని, ప్రేక్షకులు కూడా ఈ చిత్రాన్ని చూసి కల్కి, హనుమాన్ లాంటి సూపర్ బ్లాక్‌బస్టర్‌గా చేస్తారని నమ్మకంగా ఉన్నామని డైరెక్టర్ రోహిత్ కొల్లి తెలిపారు.
