Samantha : సోషల్ మీడియాలో ఎప్పుడూ యాక్టివ్‌గా ఉంటూ తన అభిమానులతో నిత్యం కనెక్ట్ అయ్యే స్టార్ హీరోయిన్ సమంత. తాజాగా తను షేర్ చేసిన సెల్ఫీతో మరోసారి వైరల్ అవుతున్నారు. స్టైలిష్‌లుక్‌లో కనిపించిన సమంత, తన ఫోటోకు ‘శాంతి, నిశ్శబ్దాల మ్యూజియం’ అనే క్యాప్షన్‌ ఉన్న టీ షర్ట్ ను ధరించింది. దానితో పాటు ‘నౌ వి ఆర్ ఫ్రీ’ అనే ఆంగ్ల పాటను జోడించారు.
సమంత పోస్ట్‌పై అభిమానులు భారీ స్థాయిలో స్పందిస్తున్నారు. కొందరు ఆమె అందాన్ని ప్రశంసిస్తూ ‘రాణి ఎప్పటికీ రాణినే’ అని కామెంట్ చేస్తుంటే, మరికొందరు ఆమె ఎంచుకున్న కొటేషన్‌ను చాలా బాగుందని పేర్కొంటున్నారు. నాగచైతన్యతో విడాకుల తర్వాత సమంత షేర్ చేసిన తొలి ఫోటో ఇదే కావడం విశేషం. ఈ ఫోటో సోషల్ మీడియాలో వైరల్ అవుతూ, సమంత అభిమానులను ఆనందింపచేస్తోంది.
