Prabhas : ‘ఫౌజీ’ షూట్ ప్రారంభమయ్యేది అప్పుడేనా?abhas : ప్రస్తుతం ‘రాజాసాబ్‌’ చిత్రీకరణలో బిజీగా ఉన్న ప్రభాస్.. త్వరలోనే తన తదుపరి చిత్రం ‘ఫౌజీ’ చిత్రీకరణను ప్రారంభించనున్నారు. ఈ చిత్రం ఈ నెల 17వ తేదీన ఘనంగా ప్రారంభం కాబోతోంది. అదే రోజు చిత్రానికి సంబంధించిన అఫీషియల్ టైటిల్ అనౌన్స్ మెంట్ కూడా జరగబోతోంది. అయితే కొన్ని కారణాల వల్ల ఈ చిత్రం రెగ్యులర్ షూటింగ్ కొద్దిగా ఆలస్యమవుతున్నట్లు తెలుస్తోంది.
వచ్చే నెల నుండి తమిళనాడులో ఈ చిత్రం మొదటి షెడ్యూల్ ప్రారంభం కానుంది. ఈ షెడ్యూల్‌లో ప్రభాస్‌కు సంబంధించిన కీలకమైన సన్నివేశాలను చిత్రీకరించనున్నారు. ఇందులో కథానాయికగా ‘సీతారామం’ ఫేమ్ మృణాల్ ఠాకూర్‌ని ఎంచుకున్నారనే వార్తలు గతంలో వచ్చాయి. అయితే, మృణాల్ తాను ఈ చిత్రంలో నటిస్తున్నట్లు లేదని స్పష్టం చేసింది. దాంతో కథానాయికగా త్రిష నటించే అవకాశాలు ఉన్నాయనే వార్తలు వస్తున్నాయి.
ప్రభాస్ అండ్ త్రిషలది సూపర్ హిట్ కాంబో. ఇద్దరూ కలిసి ‘వర్షం’, ‘బుజ్జిగాడు’ వంటి సినిమాల్లో నటించి మంచి విజయం సాధించారు. అందుకే, ఈ చిత్రంలో త్రిషను ఎంచుకునే అవకాశాలు ఎక్కువగా ఉన్నాయి. ‘ఫౌజీ’ చిత్రం స్వాతంత్యం రాకముందు కాలంలో జరిగే కథను ఆధారంగా చేసుకుని తెరకెక్కుతున్నట్లు తెలుస్తోంది. ఈ చిత్రంలో ప్రభాస్ బ్రిటిష్ సైనికుడిగా కనిపించబోతున్నాడని టాక్.
