Mr. Bachan trailer : మాస్ మహారాజా రవితేజ, మాస్ డైరెక్టర్ హరీశ్ శంకర్ కాంబినేషన్ లో తెరకెక్కిన మూడవ చిత్రం “మిస్టర్ బచ్చన్”. బాలీవుడ్ సూపర్ హిట్ మూవీ రైడ్ కు ఇది అఫీషియల్ రీమేక్. అజయ్ దేవ్ గణ్ నటించిన ఆ సినిమా ఏ రేంజ్ లో హిట్టైందో తెలిసిందే. ఆ సినిమాను తనదైన శైలిలో రవితేజ బాడీ లాంగ్వేజ్ కు అనుగుణంగా అదిరిపోయే యాక్షన్ స్ర్కిప్ట్ గా మలిచాడు హరీశ్. ఈ నెల 15న ఈ సినిమా ప్రేక్షకుల ముందుకు రానుంది. ఈ నేపథ్యంలో ఈ సినిమా ట్రైలర్ ను వదిలారు మేకర్స్. దీనికి అదిరిపోయే రెస్పాన్స్ వస్తోంది.
‘మిస్టర్ బచ్చన్’ చిత్రంలో రవితేజ ఆదాయపు పన్ను అధికారిగా శక్తిమంతమైన పాత్రలో కనిపించనున్నారు. “సరిహద్దు కాపాడేవాడే కాదు… సంపద కాపాడేవాడు కూడా సైనికుడే…” అంటూ మొదలయ్యే ట్రైలర్ రవితేజ మార్క్‌ యాక్షన్ సన్నివేశాలతో నిండి పోయింది. జగపతి బాబు విలన్ గా నటించారు. భాగ్యశ్రీ బోర్సే కథానాయికగా నటించగా.. సచిన్ కేడ్కర్, సత్య, సుదర్శన్ ఇతర ముఖ్యపాత్రల్లో నటించారు.
