Tollywood : జీ2 హెచ్ మీడియా బ్యానర్‌పై తెరకెక్కిన ఎమోషనల్ ఎంటర్‌టైనర్ ‘మన్మయి’. ఈ చిత్రం టీజర్‌ను తాజాగా ఘనంగా ఆవిష్క రించారు. ఈ చిత్రంలో సంతోష్ కృష్ణ, వైష్ణవి కృష్ణ, సిజు మీనన్ ప్రధాన పాత్రలు పోషించారు. పులుగు రామకృష్ణారెడ్డి ఈ చిత్రానికి దర్శకత్వం వహించగా, రామకృష్ణారెడ్డి, శ్రీహరి రెడ్డి, కిరణ్ రెడ్డి సంయుక్తంగా నిర్మించారు. అన్ని కార్యక్రమాలు పూర్తి చేసుకున్న ఈ చిత్రం త్వరలో ప్రేక్షకుల ముందుకు రానుంది. ఈ నేపథ్యంలో ఈ సినిమా టీజర్ లాంచ్ హైదరాబాద్ లోని ప్రసాద్ లాబ్స్ లో ఘనంగా జరిగింది.
ప్రముఖ నిర్మాత రాజ్ కందుకూరి టీజర్‌ను ఆవిష్కరించారు. ఈ కార్యక్రమంలో నటులు నాగ మహేష్, బాలీవుడ్ నటి కరెన్ సింగ్, నటులు జయంత్, యోగి తదితరులు పాల్గొన్నారు. నిర్మాత రాజ్ కందుకూరి, డైరెక్టర్ పులుగు రామకృష్ణారెడ్డి,నిర్మాత శ్రీహరి రెడ్డి, నిర్మాత కిరణ్ రెడ్డి, హీరో సంతోష్ కృష్ణ, నటుడు శిజు, హీరోయిన్ వైష్ణవి కృష్ణ తదితరులు ‘మన్మయి’ మూవీ విశేషాల్ని తెలిపి.. చిత్రబృందానికి ఆల్ ది బెస్ట్ చెప్పారు.
