Brinda Webseries : సీనియర్ హీరోయిన్ త్రిష కృష్ణన్ ప్రస్తుతం వరుస చిత్రాలతో అలరిస్తూనే, తన కెరీర్‌ను మరో మలుపు తిప్పారు. సూర్య మనోజ్ వంగల దర్శకత్వంలో తెరకెక్కిన ‘బృందా’ అనే క్రైమ్ థ్రిల్లర్ వెబ్ సిరీస్‌తో డిజిటల్ ప్రపంచంలోకి అడుగు పెట్టారు. ఈ సిరీస్ ఆగస్ట్ 2 నుంచి సోనీ లివ్ ఓటీటీ ప్లాట్‌ఫామ్‌లో స్ట్రీమింగ్ అవుతూ.. ప్రేక్షకులను అలరిస్తోంది.
త్రిష ఈ సిరీస్‌లో సస్పెండ్ అయిన పోలీస్ అధికారిగా కనిపించింది. ఒక క్లిష్టమైన కేసును అన్వేషిస్తూ ఆమె ఎదుర్కొనే సవాళ్లు, మలుపులు ఈ సిరీస్‌లో ప్రధానంగా చూపించారు. ఇంద్రజిత్ సుకుమారన్, జయ ప్రకాష్, ఆమని, రవీంద్ర విజయ్, ఆమని, ఆనంద్‌ సామి, రాకేందు మౌళి వంటి ప్రముఖ నటులు కీలక పాత్రలు పోషించారు. తెలుగు, హిందీ, తమిళం, కన్నడ, మరాఠీ భాషల్లో స్ట్రీమింగ్ అవుతుంది. ఇంగ్లీష్ సబ్‌టైటిల్స్ కూడా అందుబాటులో ఉంటాయి.
ఎపిసోడ్లు: మొత్తం 8 ఎపిసోడ్లు, ప్రతి ఎపిసోడ్ 40 నిమిషాలకు పైగా ఉంటుంది. యాడ్డింగ్ అడ్వర్టైజింగ్ ఎల్‌ఎల్‌పి బ్యానర్‌పై కొల్లా ఆశిష్ నిర్మించారు. శక్తి కాంత్ కార్తీక్ సంగీతం అందించారు. త్రిష కృష్ణన్ నటన, కథాంశం, నటీనటుల ప్రదర్శనలతో ‘బృందా’ వెబ్ సిరీస్ ప్రేక్షకులను అలరిస్తోంది. డిజిటల్ ప్లాట్‌ఫామ్‌లలో తెలుగు వెబ్ సిరీస్‌లకు మంచి ఆదరణ లభిస్తున్న నేపథ్యంలో, ఈ సిరీస్ కూడా మంచి స్పందన పొందే అవకాశం ఉంది.
