Samantha : అందాల సమంత త్వరలోనే ‘సిటాడెల్: హనీ-బన్నీ’ అనే వెబ్ సిరీస్‌తో ప్రేక్షకులను అలరించబోతోంది. ఈ సిరీస్‌లో సమంత తనలోని యాక్షన్ స్టార్‌ని బైటికి తీసుకురాబోతోంది. ఇంతకు ముందు ఫ్యామిలీ మేన్ 2 లో సమంత యాక్షన్ ఎపిసోడ్స్ కు భారీ క్రేజ్ వచ్చిన సంగతి తెలిసిందే. త్వరలో స్ట్రీమింగ్ కాబోయే సిటాడెల్ సిరీస్ లోనూ సామ్.. యాక్షన్ క్వీన్ కాబోతోంది. బాలీవుడ్ హీరో వరుణ్ ధావన్‌ ఈ సిరీస్‌లో సమంతకు జోడీగా నటిస్తున్నారు.
1990ల నేపథ్యంలో సాగుతున్న ఈ స్పై యాక్షన్ థ్రిల్లర్‌లో ప్రేమకథ కూడా ముఖ్యమైన పాత్ర పోషిస్తుంది. రాజ్ అండ్ డీకే దర్శకత్వంలో రూపొందుతున్న ఈ సిరీస్ చిత్రీకరణ ఇప్పటికే పూర్తయింది. ప్రస్తుతం నిర్మాణానంతర పనులు జరుగుతున్నాయి.
ఈ సిరీస్ కోసం ఎంతో ఆసక్తిగా ఎదురుచూస్తున్న ప్రేక్షకులకు సమంత ఓ గుడ్‌న్యూస్ చెప్పింది.
ఆగస్టు 1న ఈ సిరీస్‌కు సంబంధించిన ఓ ఆసక్తికర విషయాన్ని సామాజిక మాధ్యమాల్లో ప్రకటించనున్నట్లు తెలిపింది. దీంతో అభిమానుల్లో ఆసక్తి రెట్టింపైంది. కేకే మేనన్, సిమ్రాన్ తదితరులు కీలక పాత్రలు పోషిస్తున్న ఈ సిరీస్ అమెజాన్ ప్రైమ్ వీడియోలో విడుదల కానుంది. ప్రస్తుతం సమంత ‘మా ఇంటి బంగారం’ అనే సినిమా షూటింగ్‌లో బిజీగా ఉంది.
