Bellamkonda Srinivas : టాలీవుడ్ యాక్షన్ హీరో బెల్లంకొండ సాయి శ్రీనివాస్ తన 12వ చిత్రాన్ని ప్రకటించారు. ఈ చిత్రానికి “BSS12” అనేది వర్కింగ్ టైటిల్ . డెబ్యూటెంట్ దర్శకుడు లుధీర్ బైరెడ్డి ఈ చిత్రానికి దర్శకత్వం వహించనున్నారు. ఈ చిత్రాన్ని మహేష్ చందు నిర్మిస్తున్నారు.
లెజెండరీ దర్శకుడు కోడి రామకృష్ణ 75వ జయంతి సందర్భంగా మంగళవారం ఈ చిత్రాన్ని అధికారికంగా ప్రకటించారు. ఈ సందర్భంగా చిత్రబృందం ఒక కాన్సెప్ట్ పోస్టర్‌ను కూడా విడుదల చేసింది. ఈ పోస్టర్‌లో బెల్లంకొండ సాయి శ్రీనివాస్ ఒక పురాతన గుడి ముందు తుపాకీతో నిలబడి ఉన్నాడు. ఈ లుక్ ఆయన అభిమానులను విశేషంగా ఆకట్టుకుంది.
“400 ఏళ్ల నాటి పురాతన గుడి నేపథ్యంలో తాంత్రిక అంశాలతో నిండి ఉన్న థ్రిల్లర్ చిత్రమిది” అని చిత్రబృందం తెలిపింది. ఈ చిత్రంలో బెల్లంకొండ సాయి శ్రీనివాస్ మునుపెన్నడూ చేయని విధమైన పాత్రలో కనిపించనున్నాడు. ఇప్పటికే ఈ చిత్రీకరణ ప్రారంభమైంది. రెండో షెడ్యూల్ ఈరోజు నుంచి ప్రారంభం కానుంది. ఈ చిత్రానికి లియోన్ జేమ్స్ సంగీతం అందిస్తున్నారు. శివేంద్ర సినిమాటోగ్రఫీని నిర్వహిస్తున్నారు.
