Krishna Vamshi : ప్రస్తుతం గ్లోబల్ స్టార్ గా దూసుకుపోతున్న రామ్ చరణ్, పలు భారీ చిత్రాలతో బిజీగా ఉన్న సంగతి తెలిసిందే. “గేమ్ ఛేంజర్” చిత్రీకరణ పూర్తి చేసుకున్న ఆయన, తదుపరి బుచ్చిబాబు సానా, సుకుమార్ లతో సినిమాలు చేయడానికి సిద్ధంగా ఉన్నారు.
అయితే, ఈ లిస్ట్ లో మరో దర్శకుడు కూడా చేరే అవకాశం ఉందని తెలుస్తోంది. ఆ దర్శకుడు మరెవరో కాదు కృష్ణవంశీ. తాజాగా ఒక అభిమాని అడిగిన ప్రశ్నకు జవాబిస్తూ… రామ్ చరణ్ కోసం ఒక అద్భుతమైన కథను సిద్ధం చేసినట్లు వెల్లడించారు కృష్ణవంశీ.
“చరణ్ తో మళ్ళీ సినిమా చేయడానికి నేను ఎప్పుడూ సిద్ధంగా ఉన్నాను. ఆయన కూడా సిద్ధంగా ఉంటే, ఖచ్చితంగా మా కాంబినేషన్ లో మరో సినిమా వస్తుంది. నా దగ్గర ఒక సూపర్ ఐడియా, స్క్రిప్ట్ కూడా రెడీగా ఉన్నాయి. ఇప్పుడు అన్నీ ఆయన చేతిలోనే ఉన్నాయి” అని ఆయన అన్నారు. కృష్ణవంశీ, రామ్ చరణ్ కాంబినేషన్ లో 2014 లో వచ్చిన “గోవిందుడు అందరివాడేలే” చిత్రం బాక్సాఫీస్ వద్ద మంచి విజయాన్ని సాధించింది. మళ్ళీ ఈ ఇద్దరి కాంబినేషన్ లో సినిమా వస్తుందా అనేది చూడాలి.
