Kicha Sudeep : కన్నడ స్టార్ హీరో, అభినయ చక్రవర్తి కిచ్చా సుదీప్ నటించిన లేటెస్ట్ మూవీ ‘మాక్స్’. ఈ చిత్రం టీజర్ మంగళవారం విడుదలై అందరినీ ఆకట్టుకుంటోంది. యాక్షన్ సినిమాలపై మోజున్న ప్రేక్షకులు ఎంతగానో ఎదురుచూస్తున్న ఈ చిత్ర టీజర్ లో చాలా ఏళ్ళ తర్వాత సుదీప్ మరోసారి మాస్ అవతారంలో కనిపించబోతున్నారని స్పష్టం చేసింది.
పాన్-ఇండియా సినిమాగా రాబోతున్న ‘మాక్స్’ పై ఇప్పటికే భారీ అంచనాలు ఏర్పడ్డాయి. టీజర్‌లో కిచ్చా సుదీప్ లుక్ చాలా గొప్పగా ఉండి, మాస్, యాక్షన్ సినిమాల అభిమానులను విశేషంగా ఆకట్టుకుంటోంది. విజయ్ కార్తికేయ దర్శకత్వం వహించిన ఈ చిత్రంలో వరలక్ష్మి శరత్‌కుమార్, సంయుక్త హోర్నాడ్, ప్రమోద్ శెట్టి తదితరులు నటించారు. అజనీష్ లోక్‌నాథ్ సంగీతం అందించారు.
వీ క్రియేషన్స్ బ్యానర్‌పై కలైపులి ఎస్ థాను, కిచ్చా క్రియేషన్స్ బ్యానర్‌పై కిచ్చా సుదీప్ ఈ చిత్రాన్ని నిర్మించారు. ‘మాక్స్’ సినిమా యాక్షన్ సినిమాల అభిమానులకు ఒక పండుగలా ఉండబోతోందని టీజర్ చూస్తేనే తెలుస్తోంది.
