Venky – Anil Combo : విక్టరీ వెంకటేష్ లేటెస్ట్ సినిమా గురించి తెలిసిందే. బ్లాక్ బస్టర్ దర్శకుడు అనిల్ రావిపూడి ఈ చిత్రానికి దర్శకత్వం వహిస్తున్నారు. ఈ చిత్రంలో ఐశ్వర్య రాజేష్ మరియు మీనాక్షి చౌదరి హీరోయిన్లుగా నటిస్తున్నారు. ఈ సినిమా ఇప్పటికే షూటింగ్ ప్రారంభించింది.
ఈ చిత్రంలో మరొక ఆసక్తికరమైన నటుడు కూడా చేరబోతున్నట్లు తాజా సమాచారం. గత ఏడాది బాలీవుడ్ లో విడుదలైన “యానిమల్” చిత్రంలో హీరో రణబీర్ కపూర్ తో కలిసి నటించిన ఉపేంద్ర లిమాయె ఈ చిత్రంలో ఒక ముఖ్యమైన పాత్రలో కనిపించనున్నారు.
“యానిమల్” లో కొన్ని నిమిషాల పాత్రలోనే అయినా, లిమాయె తన నటనతో ప్రేక్షకులను ఆకట్టుకున్నారు. ఈ క్రేజీ ప్రాజెక్ట్ లో లిమాయె ఎలాంటి పాత్రలో నటించబోతున్నారో తెలియదు. ఈ చిత్రాన్ని దిల్ రాజు నిర్మాణం వహిస్తున్నారు. సినిమాను వచ్చే ఏడాది సంక్రాంతి కానుకగా విడుదల చేయడానికి సన్నాహాలు చేస్తున్నారు.
