Bhrateeyudu 2 : కమల్ హాసన్, శంకర్ కాంబినేషన్ లో రూపొందిన భారీ యాక్షన్ చిత్రం “ఇండియన్ 2”. ఈ మూవీ జూలై 12న ప్రపంచవ్యాప్తంగా విడుదల కానుంది. తెలుగులో “భారతీయుడు 2” పేరుతో రిలీజ్ కానుంది. 2001లో విడుదలైన బ్లాక్ బస్టర్ చిత్రం “భారతీయుడు”కు సీక్వెల్ గా ఈ చిత్రం తెరకెక్కింది. మొదటి భాగంలో కమల్ హాసన్, మనీషా కొయిరాలా, సుకన్య, ఊర్మిళ ముఖ్య పాత్రల్లో నటించగా, ఈ సీక్వెల్ లో కమల్ హాసన్ తో పాటు సిద్ధార్థ్, రకుల్ ప్రీత్ సింగ్, ఎస్.జే సూర్య కీలక పాత్రల్లో నటించారు.
అట్టడుగు స్థాయి అవినీతిని అంతం చేయడానికి ఒక సాధారణ వ్యక్తి ఎలా పోరాడుతాడనే కథాంశంతో రూపొందిన ఈ చిత్రం, ఇటీవల సెన్సార్ కార్యక్రమాలను పూర్తి చేసుకుని, యూ/ఎ సర్టిఫికెట్ పొందింది. 3 గంటల నిడివి ఉన్న ఈ చిత్రం, కమల్ హాసన్ ఇటీవల నటించిన “కల్కి” చిత్రం తర్వాత వస్తున్న సినిమా కావడంతో, అభిమానులలో భారీ అంచనాలు నెలకొన్నాయి. అనిరుధ్ రవిచందర్ సంగీతం అందించిన ఈ చిత్రం ఏ రేంజ్ లో సక్సెస్ సాధిస్తుందో చూడాలి.
