Shankar : రామ్ చరణ్, దర్శకుడు శంకర్ కాంబోలో తెరకెక్కుతున్న పొలిటికల్ యాక్షన్ థ్రిల్లర్ “గేమ్ ఛేంజర్”. ఈ చిత్రం నుండి చాలా రోజులుగా ఎలాంటి అప్‌డేట్‌ రావడంలేదు. అయితే తాజాగా దర్శకుడు శంకర్ “ఇండియన్ 2” ప్రమోషన్స్‌లో భాగంగా “గేమ్ ఛేంజర్” గురించి కొన్ని ముఖ్య విషయాలు వెల్లడించాడు.
‘గేమ్ చేంజర్ సినిమా షూటింగ్ దాదాపు పూర్తయిపోయింది. ఇంకా 10 రోజుల చిత్రీకరణ మాత్రమే మిగిలి ఉంది. “ఇండియన్ 2” రిలీజ్ అయిన తర్వాత “గేమ్ ఛేంజర్” షూటింగ్ పూర్తి చేసి, పోస్ట్ ప్రొడక్షన్ పనులు ప్రారంభిస్తారు. అన్ని పనులు పూర్తయిన తర్వాతే రిలీజ్ డేట్‌పై నిర్ణయం తీసుకుంటారు’. అని శంకర్ తెలిపాడు.
సాధ్యమైనంత త్వరగా సినిమాను విడుదల చేయాలని శంకర్ భావిస్తున్నారు. ఈ చిత్రంలో రామ్ చరణ్ తండ్రీ కొడుకులుగా ద్విపాత్రల్లో నటిస్తున్నట్లు సమాచారం. కియారా అద్వానీ హీరోయిన్ గా నటిస్తుండగా, అంజలి, శ్రీకాంత్, సునీల్, ఎస్‌.జె.సూర్య, సముద్రఖని, నవీన్ చంద్ర తదితరులు ముఖ్య పాత్రల్లో నటిస్తున్నారు. ఇటీవల ఒక ఇంటర్వ్యూలో హీరో సిద్ధార్థ్, దర్శకుడు శంకర్ ఒక సినిమాలో 2000 మందితో సన్నివేశాలు చిత్రీకరించారని, అవి అద్భుతంగా ఉన్నాయని చెప్పారు. చాలా మంది ఈ సన్నివేశాలు “గేమ్ ఛేంజర్” లో భాగమని భావిస్తున్నారు.
