Srileela : బాలీవుడ్ హీరో వరుణ్ ధావన్ ప్రస్తుతం “బేబీ జాన్”, “సన్నీ సంస్కారీ కీ తులసీ కుమారి” వంటి చిత్రాలతో బిజీగా ఉన్నాడు. త్వరలోనే తన తండ్రి డేవిడ్ ధావన్ దర్శకత్వంలో ఒక కమర్షియల్ ఎంటర్‌టైనర్‌లో నటించబోతున్నాడు. ఈ చిత్రంలో ముక్కోణపు ప్రేమకథ ఉండే అవకాశం ఉంది.
వరుణ్ సరసన ఈ చిత్రంలో నటించడానికి టాలీవుడ్ నటీమణులు శ్రీలీల , మృణాల్ ఠాకూర్ పేర్లు పరిశీలనలో ఉన్నట్లు సమాచారం. ఇటీవలే, సైఫ్ అలీ ఖాన్ కుమారుడు ఇబ్రహీం అలీ ఖాన్ తో కలిసి “డైలర్” అనే సినిమాలో నటించడానికి శ్రీలీల సంతకం చేసింది. ఈ చిత్రం ద్వారా ఆమె బాలీవుడ్‌లోకి అడుగు పెట్టనుంది. అయితే, వరుణ్ ధావన్ తో కలిసి నటించే ముందు శ్రీలీల “డైలర్” చిత్రీకరణ పూర్తి చేయాల్సి ఉంటుంది. ఈ రెండు చిత్రాలలో ఏది ముందుగా ప్రారంభమవుతుందో ఇంకా స్పష్టత లేదు.
