Fathers Day spl : మెగా హీరో రామ్‌చరణ్, ఉపాసన దంపతుల ముద్దుల తనయ క్లీంకార ఎలా ఉంటుందో చూద్దామని మెగా అభిమానులు ఎప్పటి నుంచో ఆసక్తిగా ఎదురు చూస్తున్నారు. చివరికి ఈరోజు ఆ ఎదురుచూపులకు తెరపడింది. క్లీంకారకు చెందిన ఒక ఫోటో బయటకు వచ్చింది. ఆ ఫోటోలో చిన్నారిని రామ్‌చరణ్ తన చేతుల్లో ఎత్తుకుని ముద్దు పెడుతున్నట్లుగా కనిపిస్తున్నాడు. ఫాదర్స్ డే సందర్భంగా ఈ ఫోటో నెట్టింట వైరల్ అవుతోంది.
నిన్న, చెర్రీ, ఉపాసన దంపతులు తమ బిడ్డతో కలిసి నడుస్తున్న ఫోటో కూడా సోషల్ మీడియాలో బాగా వైరల్ అయింది. ఈ ఫోటోల ద్వారా రామ్‌చరణ్ తన కూతురిపై ఎంత ప్రేమ చూపుతున్నాడో స్పష్టంగా తెలుస్తుంది. మెగా అభిమానులు ఈ ఫోటోలను చూసి చాలా సంతోషిస్తున్నారు. సోషల్ మీడియాలో రామ్‌చరణ్, ఉపాసన, క్లీంకార గురించి చాలా చర్చ జరుగుతోంది.
