Sai Rajesh : చిమటా రమేష్ బాబు హీరోగా, దర్శకుడిగా నటించిన “నేను కీర్తన” సినిమా ఘన విజయం సాధించాలని ప్రముఖ దర్శకుడు, నిర్మాత సాయి రాజేష్ ఆకాంక్షించారు. ఈ చిత్రంలోని “సీతాకోకై ఎగిరింది మనసే” పాట లిరికల్ వీడియో విడుదల సందర్భంగా ఆయన మాట్లాడుతూ, “నేను – కీర్తన” సినిమా విజయవంత మవుతుందని అన్నారు. కులుమనాలిలో చిత్రీకరించిన ఈ పాట చాలా బాగుందని, హీరో చిమటా రమేష్ బాబుకు దర్శకుడిగా, నటుడిగా మంచి భవిష్యత్ ఉందని ఆయన నమ్ముతున్నారు. “నేను – కీర్తన” చిత్రాన్ని చిమటా ప్రొడక్షన్స్ పతాకంపై నిర్మించారు. ఈ చిత్రానికి చిమటా రమేష్ బాబు దర్శకత్వం వహించారు. చిమటా రమేష్ బాబు రిషిత మేఘనహీరో, హీరోయిన్లుగా నటించారు. ఈ చిత్రాన్ని చిమటా జ్యోతిర్మయి సమర్పించగా, చిమటా లక్ష్మికుమారి నిర్మించారు.
చిత్ర హీరో, దర్శకుడు చిమటా రమేష్ బాబు తన బిజీ షెడ్యూల్ నుంచి సమయం కేటాయించి చిత్రానికి మద్దతు ఇచ్చిన సాయి రాజేష్ కు కృతజ్ఞతలు తెలిపారు. “నేను – కీర్తన” చిత్రాన్ని త్వరలోనే ప్రేక్షకుల ముందుకు తీసుకురావడానికి చిత్రబృందం సన్నాహాలు చేస్తోంది. ఈ చిత్రం మల్టీ జోనర్ గా తెరకెక్కింది. సెన్సార్ పూర్తి చేసుకున్న ఈ చిత్రానికి బిజినెస్ కూడా బాగానే ఉంది. కులుమనాలిలో చిత్రీకరించిన పాటలు, ఆరు రోప్ ఫైట్స్ ఈ చిత్రానికి ప్రత్యేక ఆకర్షణగా నిలుస్తాయని చిత్రబృందం తెలిపింది. చిత్ర విడుదల తేదీ త్వరలోనే ప్రకటించనున్నారు.
