NBK Birthday : నటసింహం నందమూరి బాలకృష్ణ 64వ పుట్టిన రోజు సందర్భంగా టీటీడీ ఎక్స్పోర్ట్ మెంబర్ యన్టీఆర్ రాజు కుటుంబ సమేతంగా 664 కొబ్బరికాయలు కొట్టి, 5 కిలోల కర్పూరం వెలిగించి, తిరుమలలోని అఖిలాండం దగ్గర పూజలు చేసి బాలయ్య సంపూర్ణ ఆరోగ్యంతో ఉండాలని వెంకటేశ్వర స్వామిని ప్రార్థించారు.
రాష్ట్ర మీడియా కోఆర్డినేటర్ శ్రీధర్ వర్మ మాట్లాడుతూ.. ‘ఎన్టీఆర్ రాజు కొడుకుగా నందమూరి అభిమానిగా నాకు ఎంతో గౌరవం లభించింది. ఈరోజు నందమూరి బాలకృష్ణ పుట్టినరోజు సందర్భంగా మా కుటుంబం తరపున మీకు జన్మదిన శుభాకాంక్షలు. నందమూరి బాలకృష్ణ గారికి ఇలాంటి జన్మదిన వేడుకలు మరెన్నో జరగాలని, ఆయన ఆరోగ్యం బాగుండాలని, ప్రపంచవ్యాప్తంగా ఉన్న తెలుగు ప్రజలందరికీ సేవా కార్యక్రమాలు చేయాలని, ఆయన ఏ పని చేసినా విజయం సాధించాలని కోరుకుంటున్నాను ఆయన పుట్టినరోజు మాకు పండుగ’ అని అన్నారు.
