Srileela : అతి తక్కువ కాలంలోనే టాలీవుడ్‌లో తన స్థానాన్ని సుస్థిరం చేసుకుంది శ్రీలీల. మహేష్ బాబు, పవన్ కళ్యాణ్, బాలకృష్ణ, రవితేజ వంటి స్టార్ హీరోలతో కలిసి నటించి మంచి గుర్తింపు తెచ్చుకుంది. కొన్ని సినిమాలు ఫ్లాప్ అయినప్పటికీ, శ్రీలీల క్రేజ్ ఏ మాత్రం తగ్గలేదు.
తాజా సమాచారం ప్రకారం శ్రీలీల త్వరలోనే బాలీవుడ్‌లోకి అడుగుపెట్టబోతోంది. ఈ విషయాన్ని బాలీవుడ్ మీడియా ధ్రువీకరించింది. కునాల్ దేశ్‌ముఖ్ దర్శకత్వం వహిస్తున్న “దిలేర్” చిత్రంలో సైఫ్ అలీ ఖాన్ తనయుడు ఇబ్రహీం అలీ ఖాన్ సరసన శ్రీలీల కథానాయికగా నటించబోతున్నట్టు తెలుస్తోంది.
మాడాక్ ఫిల్మ్స్ ఈ చిత్రాన్ని నిర్మించనుంది. “సర్జమీన్” తర్వాత ఇబ్రహీం అలీ ఖాన్ చేస్తున్న రెండవ చిత్రం ఇది. ఈ చిత్రం షూటింగ్ ఆగస్ట్ 2024లో ప్రారంభ మవుతుందని సమాచారం. బాలీవుడ్‌లో కూడా తనదైన స్టైల్‌తో శ్రీలీల గుర్తింపు తెచ్చుకుంటుందని అభిమానులు ఆశిస్తున్నారు.
