The Birthday Boy : కొత్త కథాంశాలతో, వైవిధ్యమైన ధృక్పథంతో వచ్చిన కొత్త టీమ్ సినిమాల్లో కంటెంట్‌కు ఎంత ప్రాముఖ్యత ఉందో నిరూపిస్తోంది. అలాంటి టీమ్‌లో ఒకటి “ది బర్త్‌డే బాయ్” చిత్ర యూనిట్. ర‌వికృష్ణ, స‌మీర్ మ‌ళ్లా, రాజీవ్‌క‌న‌కాల ముఖ్యపాత్రల్లో న‌టిస్తున్న ఈ చిత్రానికి విస్కి దర్శకుడు. బొమ్మ బొరుసా ప‌తాకంపై నిర్మితమవుతున్న ఈ చిత్రం టైటిల్ గ్లింప్స్ శుక్రవారం విడుదలైంది.
ఫన్నీ సంభాషణలతో ప్రారంభమైన టైటిల్ గ్లింప్స్ చిత్రంలోని పాత్రలను పరిచయం చేస్తూ ఓపెన్ అవుతుంది. దర్శకుడు విస్కి చిత్ర విశేషాలను తెలియజేస్తూ, ఇది ఒక కామెడీ డ్రామా అని చెప్పారు. చిత్రంలోని ప్రతి పాత్రా ప్రేక్షకులను నవ్వించేలా ఉంటుందని వివరించారు.
ఎం.ఎస్ చదవడానికి విదేశాలకు వెళ్లిన ఐదుగురు చిన్ననాటి స్నేహితులకు జరిగిన సంఘటనల ఆధారంగా ఈ చిత్రాన్ని తెరకెక్కించారని తెలిపారు. సహజత్వం కోసం సింక్ సౌండ్ వాడామని, కంటెంట్‌తో పాటు మంచి టెక్నికల్ వాల్యూస్‌తో ఈ చిత్రం ప్రేక్షకులను మెప్పిస్తుందని చెప్పారు. ఒక మంచి నాణ్యత గల సినిమాను తెలుగు ప్రేక్షకులకు అందించాలనే లక్ష్యంతో ఈ చిత్రాన్ని నిర్మించామని, ఖచ్చితంగా అందరికీ నచ్చుతుందని నమ్ముతున్నామని దర్శకుడు విస్కి చెప్పారు. “ది బర్త్‌డే బాయ్” చిత్రం త్వరలోనే ప్రేక్షకుల ముందుకు రానుంది. ఈ చిత్రం బాక్సాఫీస్ వద్ద ఎలాంటి విజయాన్ని సాధిస్తుందో వేచి చూడాలి.
