Yevam : సాధారణ కంటెంట్‌కు భిన్నంగా, కొత్త కథాంశంతో వచ్చిన సినిమాలకు ఎప్పుడూ తెలుగు ప్రేక్షకుల ఆదరణ ఉంటుందని దర్శకుడు ప్రకాష్ దంతులూరి నమ్ముతున్నారు. అందుకే తాను దర్శకత్వం వహిస్తున్న “యేవమ్‌” చిత్రంపై పూర్తి నమ్మకంతో ఉన్నారని చెప్పారు. నవదీప్, పవన్ గోపరాజు నిర్మాతలుగా తెరకెక్కుతున్న ఈ చిత్రంలో చాందిని చౌదరి, వశిష్ట సింహా, భరత్ రాజ్, ఆషు రెడ్డి ముఖ్య తారలుగా నటించారు. ఇప్పటివరకు విడుదల చేసిన ప్రతి టీజర్, ట్రైలర్‌కు మంచి స్పందన వచ్చింది.
మహిళా సాధికారత నేపథ్యంలో రూపొందిన ఈ చిత్రంలో ప్రతి పాత్రా పాత్రా చాలా కొత్తగా, లోతుగా ఉంటుందని దర్శకుడు చెప్పారు. ప్రతి పాత్రకు ఒక ప్రత్యేకత ఉంటుంది. కొత్త కథాంశంతో పాటు, చాలా భిన్నమైన కథనంతో ఈ చిత్రం ప్రేక్షకులను ఆకట్టుకుంటుందని ఆయన నమ్ముతున్నారు. ఈ చిత్రానికి కెమెరా ఓపరేటర్‌గా కృష్ణ ఎస్‌వీ విశ్వేశ్వర్, సంగీత దర్శకులుగా కీర్తన శేషు, నీలేష్ మందలపు పనిచేశారు. సుజనా అడుసుమిల్లి ఎడిటర్‌గా, రాజు పెన్మెత్స ఎగ్జిక్యూటివ్ నిర్మాతగా వ్యవహరిస్తున్నారు. “యేవమ్‌” చిత్రం జూన్ 14న ప్రపంచవ్యాప్తంగా విడుదల కానుంది.
