Nikhil Siddharth : నిఖిల్ సిద్ధార్థ్ హీరోగా పాన్ ఇండియా స్థాయిలో రూపొందుతోన్న చారిత్రాత్మక యాక్షన్ డ్రామా ‘స్వయంభు’. భరత్ కృష్ణమాచారి దర్శకత్వం వహిస్తున్న ఈ సినిమా భారీ బడ్జెట్‌తో తెరకెక్కుతోంది. ఇప్పటికే విడుదలైన ఫస్ట్ లుక్ పోస్టర్, ఇతర ప్రమోషనల్ కంటెంట్ ప్రేక్షకులను బాగా ఆకట్టుకున్నాయి.
నిఖిల్ పుట్టినరోజు నేడు జరుపుకుంటున్న నేపథ్యంలో, చిత్రబృందం ఆయన ప్రత్యేక పోస్టర్‌ను విడుదల చేసింది. పోస్టర్‌లో నిఖిల్ ధైర్యవంతుడైన యోధుడిగా కనిపిస్తున్నాడు. రెండు చేతుల్లో ఖడ్గాలు పట్టి భీకర యుద్ధాలకు సిద్ధమవుతున్నాడు. నటుడి లుక్, దుస్తులు చక్కగా ఉండటంతో పోస్టర్ వెంటనే ఆకర్షణగా నిలిచింది.
సంయుక్త మీనన్, నభా నటేష్‌లు కథానాయికలు. పిక్సెల్ స్టూడియోస్‌ పతాకంపై భువన్, శ్రీకర్‌లు ‘స్వయంభు’ను నిర్మిస్తున్నారు. ట్యాగోర్ మాధు ప్రెజెంటర్‌గా వ్యవహరిస్తున్నారు. ‘కేజీఎఫ్’ ఫేమ్ రవి బస్రూర్ సంగీతాన్ని అందిస్తుండగా, మనోజ్ పరమహంస సినిమాటోగ్రాఫర్‌గా పనిచేస్తున్నారు.
