Satyaraj : ఎం ఎస్ మన్జూర్ సమర్పణలో, గుహన్ సెన్నియప్పన్ దర్శకత్వం వహించిన చిత్రం వెపన్. ఇందులో సత్యరాజ్, వసంత్ రవి, తాన్యా హోప్ ముఖ్య పాత్రల్లో నటించారు. మిలియన్ స్టూడియో బ్యానర్ పై ఈ సినిమా తెరకెక్కుతోంది. జూన్ 7న విడుదల కాబోతున్న ఈ చిత్రానికి సంబంధించి ట్రైలర్ లాంచ్ ఈవెంట్ లో చిత్ర యూనిట్ పాల్గొని మాట్లాడారు. సత్యరాజ్ మాట్లాడుతూ..
“పెన్, మైక్, మీడియా అనేవి నిజమైన ఆయుథాలు. ఓటు అనేది మరొక గొప్ప ఆయుధం. తాన్యా హోప్ ఆంగ్లో ఇండియన్ అయినా, తెలుగులో చాలా బాగా మాట్లాడారు. నేను ‘అందరికీ నమస్కారం’ మాత్రమే చెబుతున్నాను. ప్రస్తుతం భాష అనే దానికి ఒక హద్దుగా లేదు. బాహుబలి సినిమా ఎన్నో భాషల్లోకి వెళ్లింది. ఈ ‘వెపన్’ మూవీ కూడా అలాంటి ఒక చిత్రమే. ఇది ఖచ్చితంగా పెద్ద హిట్ అవుతుంది. ఇది సూపర్ హ్యూమన్ సాగా కాన్సెప్ట్ తో వస్తోంది. ఇది ఒక కొత్త ట్రెండ్ కి నాంది పలుకుతుంది. గుహన్ మంచి కథను రాసుకున్నారు. వసంత్ రవి జైలర్ లో అద్భుతంగా నటించారు. యంగ్ టాలెంటెడ్ యాక్టర్లతో నటించడం చాలా ఆనందంగా ఉంది. నిర్మాత మన్జూర్ ఈ చిత్రం కోసం చాలా ఖర్చు పెట్టారు. జూన్ 7న మా చిత్రం విడుదల కాబోతోంది. కల్కి సినిమాకు మా చిత్రానికి మధ్యలో 20 రోజుల గ్యాప్ ఉంది. మా సినిమాను అందరూ చూసి ఆదరించండి” అని అభ్యర్థించారు. ఈ ఈవెంట్ లో చిత్ర యూనిట్ లోని ఇతర సభ్యులు కూడా మాట్లాడుతూ చిత్రం గురించి మరిన్ని విషయాలను తెలియజేశారు.
