Rayan movie : వినూత్న కథలతో ప్రేక్షకుల ముందుకు వస్తున్న సందీప్ కిషన్ కొన్నాళ్లుగా ఫ్లాప్‌లను చవిచూస్తు్న్నాడు. రీసెంట్ గా ఊరు ప్రమ భైరవకోన హిట్ కొట్టి మళ్లీ ఫామ్ లోకి వచ్చాడు. ప్రస్తుతం వరుస చిత్రాలతో తన సత్తా చాటే ప్రయత్నం మరోసారి చేస్తున్నాడు సందీప్. ప్రస్తుతం మాయవన్ తో పాటు ధనుష్ రాయన్ మూవీలోనూ ప్రధాన పాత్రలో నటిస్తున్నాడు సందీప్ కిషన్. ఈ చిత్రాన్ని తనే నటిస్తూ దర్శకత్వం వహిస్తున్నాడు ధనుష్.
ఈ చిత్రానికి సంబంధించిన సందీప్ కిషన్ ఫస్ట్ లుక్ ఇప్పటికే విడుదలై మంచి రెస్పాన్స్ తెచ్చుకుంది. ఇందులో సందీప్ చురుకైన లుక్ తో అలరించాడు. తాజాగా ఈ చిత్రానికి సంబంధించిన మరో పోస్టర్‌ను విడుదల చేశారు మేకర్స్. అందులో సందీప్ కిషన్ సైకిల్ నడుపుతూ కనిపించాడు. అతని ముందు హీరోయిన్ అపర్ణ బాలమురళి కూర్చుంది. ఇద్దరూ నవ్వుతూ పోస్టర్ పై రివీలయ్యారు. దీనికి మంచి రెస్పాన్స్ వస్తోంది.
అపర్ణ చీరలో చాలా అందంగా ఉంది. సందీప్ కూడా పల్లెటూరి లుక్‌లో బాగున్నాడు. బ్యాక్ గ్రౌండ్ పూర్తిగా సహజంగా ఉండడంతో పాటు పోస్టర్ ఆకట్టుకుంది. ఈ పోస్టర్‌ను విడుదల చేస్తూ.. సినిమాలోని సెకండ్ సింగిల్‌ని విడుదల చేస్తామని మేకర్స్ తెలిపారు. మే 24న సందీప్, అపర్ణల బాణీలు విడుదల కానున్నాయి. ఏఆర్ రెహమాన్ అందించిన ఈ పాట చార్ట్ బస్టర్ అవుతుందని అభిమానులు అంటున్నారు. రాయన్ లో ఎస్‌జే సూర్య, సెల్వ రాఘవన్, ధుషార్ విజయన్ మరియు పలువురు ఇతర నటీనటులు ముఖ్య పాత్రలు పోషిస్తున్నారు. జూన్ 13న ప్రపంచవ్యాప్తంగా విడుదల కానున్న ఈ చిత్రాన్ని తెలుగులో సురేష్ ఎంటర్‌టైన్‌మెంట్ ఎల్‌ఎల్‌పి విడుదల చేయనుంది.
