కోలీవుడ్ స్టార్ హీరో సూర్య వరుస సినిమాలతో బిజీగా ఉన్నారు. తన 44వ చిత్రాన్ని డైరెక్టర్ కార్తీక్ సుబ్బరాజుతో చేయనున్నారు. ఈ చిత్రానికి సంబంధించిన షూటింగ్ త్వరలో ప్రారంభం కానుంది. ఈ చిత్రానికి సంబంధించి తాజాగా ఒక ఇంట్రెస్టింగ్ అప్డేట్ వచ్చింది. ప్రముఖ సంగీత దర్శకుడు సంతోష్ నారాయణన్ ఈ క్రేజీ ప్రాజెక్ట్‌కు సంగీతం అందించనున్నారు. ఈ విషయాన్ని మేకర్స్ ఓ కొత్త పోస్టర్ ద్వారా వెల్లడించారు.
సంతోష్ నారాయణన్ పలు చిత్రాలకు అద్భుతమైన సంగీతాన్ని అందించి, ఎంతో క్రేజ్ సొంతం చేసుకున్నారు. ప్రస్తుతం టాలీవుడ్‌లో భారీ బడ్జెట్, పాన్ వరల్డ్ మూవీ, ప్రభాస్ నటిస్తున్న “కల్కి’ చిత్రానికి సంగీతం అందిస్తున్నారు. సూర్య ఓన్ ప్రొడక్షన్ హౌస్ 2డి ఎంటర్‌టైన్‌మెంట్, కార్తీక్ సుబ్బరాజు స్టోన్ బెంచ్ ఫిల్మ్స్ బ్యానర్‌లపై నిర్మిస్తున్న ఈ చిత్రం కోసం ప్రేక్షకులు ఎంతగానో ఎదురు చూస్తున్నారు. ఈ చిత్రానికి సంబంధించిన మరిన్ని వివరాలు త్వరలో వెల్లడి కానున్నాయి.
