Gamechanger : గేమ్ ఛేంజర్ సినిమా ప్రమోషన్లకు సంబంధించి టీమ్ షెడ్యూల్ ఖాయం చేసినట్లు తెలుస్తోంది. ఈ నెల నాలుగో వారం నుంచి దూకుడుగా ప్రమోషన్లు ప్రారంభించాలని నిర్ణయించారు. ముందుగా పాటలు, ప్రోమోలు విడుదల చేయాలని ప్లాన్ చేస్తున్నారు. స్టార్ డైరెక్టర్ శంకర్ దర్శకత్వం వహించిన ఈ చిత్రంలో మెగాపవర్ స్టార్ రామ్ చరణ్ తేజ్, బాలీవుడ్ బ్యూటీ కియారా అద్వానీ జోడీగా నటిస్తున్నారు. ఈ మూవీ పై పాన్ ఇండియా వైడ్ గా భారీ అంచనాలు నెలకొన్నాయి.
మెగా ఫ్యాన్స్ ఈ సినిమాపై ఎన్నో ఆశలు పెట్టుకున్నారు. వారి అంచనాలకు తగ్గట్టుగానే అన్ని రకాల కమర్షియల్ ఎలిమెంట్స్ ను చిత్రంలో పొందుపరచబడ్డాయి. హీరోయిన్ కియారా అద్వానీతో పాటు అంజలి, శ్రీకాంత్, ఎస్‌జె సూర్య, నవీన్ చంద్ర వంటి నటీనటులు కూడా ఈ చిత్రంలో నటించారు. ప్రముఖ నిర్మాత దిల్ రాజు ఈ చిత్రాన్ని భారీ ఎత్తున నిర్మించారు. థమన్ సంగీత బాధ్యతలు నిర్వహించారు.
