Loksabha Elections : పలువురు సినీ ప్రముఖులు పోలీంగ్ తేదీ రోజున ఉదయం నుంచే పోలింగ్ కేంద్రాలకు వెళ్లి తమ ఓటు హక్కును వినియోగించుకున్నారు. సోమవారం తెలుగు రాష్ట్రాల్లో జరిగిన ఎన్నికలకు హైదరాబాద్ నుంచి రెండు రాష్ట్రాల్లో ఓటింగ్ జరుగుతున్న చోటికి వెళ్లి బాధ్యతలు మరచిపోకుండా ఓటు వేశారు. సోషల్ మీడియాలో ఓటు విలువను ప్రతి ఒక్కరూ నొక్కిచెప్పడం ద్వారా ప్రతి ఒక్కరూ ప్రజాస్వామ్య హక్కును వినియోగించుకోవాలని ఓటర్లకు అవగాహన కల్పించే ప్రయత్నం చేశారు.
సినీ తారలు నివసించే జూబ్లీహిల్స్‌లోని పలు పోలింగ్ కేంద్రాల చుట్టూ తారల రద్దీ కనిపించింది. సినీ తారలు తమ కుటుంబ సభ్యులతో సమావేశమయ్యారు. క్యూలో నిలబడి ఓటు వేశారు. మెగాస్టార్ చిరంజీవి, యంగ్ టైగర్ యన్టీఆర్, ఐకాన్ స్టార్ అల్లు అర్జున్, గ్లోబ్ స్టార్ రామ్ చరణ్, దర్శక ధీరుడు రాజమౌళి, ఆయన సతీమణి రమ తదితర సినీ ప్రముఖులు తమ ఓటు హక్కును వినియోగించుకొని ఓటు విలువ తెలియచెప్పారు.
