ఎన్టీఆర్ ప్రస్తుతం రెండు సినిమాలతో బిజీగా ఉన్నాడు. ‘దేవర , వార్ 2’. ఈ రెండు చిత్రాలు భారీ ఎత్తున తెరకెక్కుతున్నాయి, వాటిలో ఎన్టీఆర్ హైఓల్టేజ్ హీరోయిక్ పాత్రలు పోషిస్తున్నారు. మొదట విడుదల కాబోయేది రెండు భాగాలుగా విడుదల కానున్న దేవర. ఇప్పటికే ఎన్టీఆర్ వార్ 2 షూటింగ్‌లో బిజీగా ఉన్నాడు.
అందుకే ప్రస్తుతం ‘దేవర’ షూటింగ్‌కు బ్రేక్ తీసుకున్నాడు. సినిమా వర్గాల సమాచారం ప్రకారం ఎన్టీఆర్ జూన్‌లో మళ్లీ సెట్స్‌లో చేరనున్నారట. కొరటాల శివ ఈ సినిమాకు దర్శకుడు, జాన్వీ కపూర్ కథానాయిక. అనిరుధ్ సంగీతం అందిస్తుండగా, సైఫ్ అలీ ఖాన్ ప్రతినాయకుడి పాత్రలో నటిస్తున్నారు. ఆర్.ఆర్.ఆర్ తర్వాత రాబోయే సినిమా కావడంతో భారీ అంచనాలు నెలకొన్నాయి.
