Anupama Parameswaran: టాలీవుడ్ మోస్ట్ హ్యాపెనింగ్ హీరోయిన్ అనుపమ పరమేశ్వరన్ లేటెస్ట్ గా టిల్లు స్క్వేర్ అద్భుత విజయంతో మాంచి ఊపు మీద ఉంది. సిద్దు జొన్నలగడ్డ హీరోగా నటించిన ఈ సినిమా రూ.130 కోట్లకు పైగా వసూళ్ళను రాబట్టి, లాభాల పరంగా తెలుగు చలన చిత్ర పరిశ్రమలో అత్యంత లాభదాయకమైన చిత్రాల్లో ఒకటిగా నిలిచింది.
టిల్లు స్క్వేర్ విజయం తరువాత అనుపమ కొన్ని లేడీ ఓరియెంటెడ్ మూవీస్ కు సంతకం చేసింది. ప్రస్తుతం ‘హను-మాన్’ దర్శకుడు ప్రశాంత్ వర్మ నిర్మిస్తున్న”ఆక్టోపస్”, ‘సినిమా బండి’ దర్శకుడు ప్రవీణ్ కాండ్రేగుల డైరెక్షన్ లో ‘పరదా’, ఇంకా లైకా ప్రొడక్షన్స్ బ్యానర్‌లో తమిళ దర్శకుడు ఎ.ఆర్. జీవా తెరకెక్కిస్తున్న చిత్రంలోనూ నటిస్తోంది.
ఆసక్తికరంగా, పైన పేర్కొన్న సినిమాలు బలమైన పాత్రలతో కూడిన కంటెంట్ ఓరియెంటెడ్ డ్రామాలుగా రూపొందుతున్నాయి. వీటిలో అనుపమ ప్రధాన పాత్ర పోషిస్తోంది. ప్రస్తుతం అనుపమ తమిళ, మలయాళంలో ఒక్కో సినిమాలో నటిస్తోంది.
