అల్లు అర్జున్, సుకుమార్‌ల కాంబినేషన్ లో ఎంతో ఆసక్తిగా ఎదురుచూస్తున్న పాన్-ఇండియా యాక్షన్ డ్రామా ‘పుష్ప : ది రూల్’ నుండి మొదటి సింగిల్ లేటెస్ట్ గా విడుదలైన సంగతి తెలిసిందే. ఇది భారీ చార్ట్‌బస్టర్‌గా నిలిచింది. పుష్ప పుష్ప అనే టైటిల్ తో రూపొందిన ఈ పాటకు దేవి శ్రీ ప్రసాద్ స్వరపరిచారు. నకాష్ అజీజ్ మరియు దీపక్ పాడారు.
విడుదలైనప్పటి నుంచి ‘పుష్ప పుష్ప’ పాట యూట్యూబ్‌లో మునుపెన్నడూ చూడని రికార్డులను నమోదు చేస్తోంది. 6 భాషల్లో 40 మిలియన్లకు పైగా వ్యూస్, 1.27 మిలియన్ల లైక్‌లతో, ఈ పాట 24 గంటల్లో అత్యధికంగా చూసిన భారతీయ లిరికల్ వీడియోగా నిలిచింది. అక్కడితో ఆగకుండా, పుష్ప పుష్ప ప్రస్తుతం 15 దేశాలలో ట్రెండింగ్‌లో ఉంది, ఆగస్టు 15న ప్రపంచ వ్యాప్తంగా థియేట్రికల్ విడుదలపై సినిమా సృష్టించబోతున్న సెన్సేషన్ ఎలాంటి ఉంటుందో ఫ్యాన్స్ అంచనా వేస్తున్నారు.
అల్లు అర్జున్ అప్రయత్నంగా చేసిన షూ డ్రాప్ హుక్ స్టెప్ , అతని అద్భుతమైన శైలి పుష్ప పుష్ప పాటను సూపర్ హిట్‌గా మార్చాయి. ఫహద్ ఫాసిల్, రష్మిక మందన్న ప్రధాన పాత్రల్లో నటిస్తున్న ఈ చిత్రాన్ని మైత్రి మూవీ మేకర్స్ , సుకుమార్ రైటింగ్స్ బ్యానర్స్ సంయుక్తంగా నిర్మిస్తున్నారు.
