హోంబలే ఫిల్మ్స్ భారతీయ సినిమాలో అతిపెద్ద నిర్మాణ సంస్థ అని నిస్సందేహంగా చెప్పొచ్చు. కేజీఎఫ్ సిరీస్ , కాంతారా: ఎ లెజెండ్, ప్రభాస్-ప్రశాంత్ నీల్.. సాలార్ పార్ట్ 1 వంటి బ్లాక్‌బస్టర్‌లతో సత్తా చాటుకుంది. వారి తదుపరి అతిపెద్ద ప్రాజెక్ట్, కాంతార : చాప్టర్ 1 అభిమానులు ఎంతో ఆత్రుతగా ఎదురు చూస్తున్నారు. కాంతార: చాప్టర్ 1 ప్రస్తుతం 20-రోజుల షెడ్యూల్ కోసం సిద్ధమైంది. బృందం కుందాపురా కి వెళ్ళబోతోంది.
ఈ సినిమాకు సంబంధించిన ప్రతి అప్‌డేట్‌తో జనాల్లో ఉత్కంఠ నెలకొంది. ఈ చిత్రం పూర్తి స్థాయి షెడ్యూల్ ఈ వారం 20 రోజుల షెడ్యూల్‌తో ప్రారంభం కానుంది. అడవుల్లోని ముఖ్యమైన భాగాలను చిత్రీకరిస్తుంది ఈ సినిమా బృందం. కుందాపురాలోని అందమైన తీర నేపథ్యంలో ఈ షెడ్యూల్ చిత్రీకరణ జరుపుకోబోతోంది.
ఈ సినిమా కోసం అతి భారీ సెట్‌ను నిర్మించారు. ముంబై, బెంగళూరు హైదరాబాద్ నుండి 600 మంది కార్పెంటర్‌లతో పాటు స్టంట్ మాస్టర్‌లను కుందాపుర నిర్మాణానికి నియమించారు. ఇది కాకుండా ఈ సినిమాలోని నటీనటుల కోసం కొద్ది రోజుల పాటు వర్క్ షాప్ కూడా నిర్వహించారు. రిషబ్ శెట్టి దర్శకత్వం వహిస్తోన్న ఈ చిత్రానికి అజనీష్ లోక్‌నాథ్ సంగీతం అందించగా, అరవింద్ కశ్యప్ సినిమాటోగ్రఫీని నిర్వహిస్తున్నారు.
