Eagle movie : మాస్ మహారాజా రవితేజ .. టైగర్ నాగేశ్వర రావు తర్వాత 2024 ఫిబ్రవరి 9న మరో యాక్షన్ మూవీ ఈగల్ తో దూసుకొస్తున్నాడు. పీపుల్ మీడియా ఫ్యాక్టరీ నిర్మాణంలో ప్రముఖ సినిమాటోగ్రాఫర్ కార్తిక్ ఘట్టమనేని ఈ చిత్రానికి దర్శకత్వం వహించాడు. క్రిస్మస్‌కు ముందు విడుదలైన ట్రైలర్ … యాక్షన్, డ్రామా, ఉత్కంఠభరిత సన్నివేశాలతో నిండి ఉంది. ఈ సినిమాపై మంచి అంచనాలు ఉన్నాయి.
తాజాగా ఈ సినిమాకు సెన్సార్ పూర్తయి ‘జీరో కట్స్’తో ‘యూ/ఏ’ సర్టిఫికేట్ లభించింది. ఈ విషయాన్ని నిర్మాతలు చక్కగా డిజైన్ చేసిన అద్భుత పోస్టర్ ద్వారా ప్రకటించారు. ప్రమోషనల్ ఈవెంట్స్ లో కథ గురించి ఎక్కువగా రివీల్ చేయడం లేదు. ఇంతవరకూ విడుదలైన రెండు పాటలకు మంచి స్పందన వచ్చింది.
ఈగల్ మూవీలోని రవితేజా లుక్స్‌ను చూసి అభిమానులు ఖుషీ అవుతున్నారు. కార్తిక్ ఘట్టమనేని రచన, దర్శకత్వం, ఎడిటింగ్ చేసిన ఈ చిత్రంలో కావ్య థాపర్, అనుపమ పరమేశ్వరన్ హీరోయిన్స్ కాగా.. నవదీప్, శ్రీనివాస్ అవసరాల, మధుబాల, ప్రణీత పట్నాయక్, అజయ్ ఘోష్, శ్రీనివాస్ రెడ్డి, భాష, శివ నారాయణ, మిర్చి కిరణ్, నితిన్ మెహతా, ధృవ, ఎడ్వర్డ్, మ్యాడీ, జారా, అక్షర ఇతర ముఖ్యపాత్రల్లో నటిస్తున్నారు. టిజి విశ్వ ప్రసాద్ ఈ సినిమాకి నిర్మాత.
