ఈ సినిమా కోసం మెథడ్ యాక్టింగ్ చేయాల్సి వచ్చింది. నాకు తెలియని ఓ తత్వంలోకి పరకాయ ప్రవేశం చేయడం మామూలు విషయం కాదు. ఈ మూవీ కోసం ఒంగోలు యాస నేర్చుకున్నానంటున్నారు ‘మధురపూడి గ్రామం అనే నేను‘ చిత్ర లీడ్ యాక్టర్ శివ కంఠమనేని. మల్లి డైరెక్షన్‌లో లైట్‌ హౌజ్‌ మ్యూజిక్‌ ఎంటర్‌టైన్‌మెంట్ బ్యానర్‌లో రూపొందిన చిత్రం ‘మధురపూడి గ్రామం అనే నేను‘. ఈ సినిమా అక్టోబర్‌ 13 న రిలీజ్‌ కాబోతున్న సందర్భంగా చిత్ర కథానాయకుడు శివ కంఠమనేని పాత్రికేయుల సమావేశంలో చిత్ర విశేషాలు ముచ్చటించారు.
ఇది రెగ్యులర్‌ హీరోలు చేసేలాంటి క్యారెక్టర్ కాదు.. నేను గతంలో నటించిన అక్కడొకడుంటాడు సినిమా బీ,సీ సెంటర్స్‌లో బాగా ఆడింది. ఆ చిత్రం చూసి ఈ క్యారెక్టర్ కు నేనైతే బాగుంటుందని దర్శకుడు మల్లి పిలిచి వేషం ఇచ్చారు. ఈ సినిమాలో నా క్యారెక్టర్ పేరు సూరి. మరో మెయిన్‌ లీడ్ పాత్ర పేరు బాబ్జీ. ఈ రెండు క్యారెక్టర్స్‌ ధుర్యోధనుడు , కర్ణుడు లాంటి పాత్రలు. బాబ్జీ పొలిటికల్‌ ఎంట్రీ కోసం సూరి ఎంత సాహసం చేసాడు… మధ్యలో లవ్‌స్టోరీ.. ఆ తర్వాత ఏమైందనేది ఈ చిత్రం కథాంశం.. ఈ సినిమా ఖచ్చితంగా అందరికీ నచ్చుతుంది అన్నారు శివ కంఠమనేని.
