“తెలుగు ఫిలిం ఇండస్ట్రీ ఎక్కడికో వెళ్తుంది.. అందులో మేమున్నామని గర్వంగా ఉంది” గంజామ్‌ సినిమా టీజర్ లాంచ్ కార్యక్రమంలో హీరో త్రిగుణ్ అన్న మాటలివి. ఏవిఆర్ ఆర్ట్స్, ఏ.యు & ఐ బ్యానర్స్ పై సురేష్‌కుమార్ ఆకిరి డైరెక్షన్‌లో రత్నాజీ నిర్మించిన చిత్రం గంజామ్‌. హీరో త్రిగుణ్, హ్రితిక శ్రీనివాస్‌, విస్మయ , దేవరాజ్‌, రఘుకుంచె మెయిన్ లీడ్ చేస్తున్న ఈ మూవీ టీజర్ హైదరాబాద్‌లో గ్రాండ్ గా లాంచ్ చేసారు. ఈ సందర్భంగా ఏర్పాటు చేసిన ప్రెస్‌మీట్‌లో చిత్ర యూనిట్ పాల్గొంది.
ఇది నా 23 వ సినిమా.. తెలుగు ప్రేక్షకులు నన్ను ఆదరిస్తున్నందుకు చాలా ఆనందంగా ఉంది. ఈ సినిమా తప్పకుండా విజయం సాధిస్తుంది.. త్వరలో విడుదల కాబోతున్న గంజామ్‌ కి మీ సపోర్ట్ కావాలన్నారు హీరో త్రిగుణ్.
యాక్షన్‌ ఎంటర్‌టైనర్‌ తో పాటు సామాజిక స్పృహ కలిగిన సినిమా గంజామ్‌. హీరో త్రిగుణ్ చాలా మెచ్యూర్డ్ యాక్టర్.. నిర్మాత రత్నాజీ నన్ను నమ్మి సినిమా చేసినందుకు ధన్యవాదాలు అన్నారు డైరెక్టర్‌ సురేష్ ఏ.కె.ఆర్‌.
సినిమా మీద ప్రేమతో ఈ చిత్రంపై డబ్బు పెట్టి ఓ మంచి ప్రయత్నం చేస్తున్నారు నిర్మాత రత్నాజీ..ఎనర్జీ ఉన్న హీరో త్రిగుణ్.. అద్భుతమైన రీసెర్చ్ చేసి కథను తయారు చేసిన దర్శకుడు సురేష్ కుమార్.. ఈ కాంబినేషన్‌లో వస్తున్న గంజామ్‌ మంచి ఆదరణ పొందుతుందన్నారు రఘుకుంచె.
ఈ సినిమా ఓ మంచి ప్రయత్నం.. అందరూ సపోర్ట్ చేస్తారని ఆశిస్తున్నానన్నారు నిర్మాత రత్నాజీ.
