పెదకాపు నాకు రీఇంట్రడక్షన్‌ అంటోంది ప్రగతి శ్రీవాస్తవ.. అఖండతో బ్లాక్‌బస్టర్‌ హిట్ కొట్టిన ప్రొడ్యూసర్ మిరియాల రవీందర్‌.. విరాట్‌ కర్ణ, ప్రగతి శ్రీవాస్తవ జంటగా శ్రీకాంత్ అడ్డాల డైరెక్షన్‌లో రాబోతున్న మూవీ పెదకాపు. ఈ చిత్రం నుంచి రిలీజయిన ప్రమోషనల్ వీడియోస్‌ ఆడియెన్స్‌ను విపరీతంగా ఆకట్టుకున్నాయి. సెప్టెంబర్‌ 29 న పెదకాపు రిలీజ్‌ సందర్భంగా పాత్రికేయులతో హీరోయిన్ ప్రగతి శ్రీవాస్తవ ముచ్చటించింది.
ఈ చిత్రానికంటే ముందు మనుచరిత్ర అనే చిత్రంలో నటించింది ప్రగతి శ్రీవాస్తవ. ఆ చిత్రం తర్వాత కోవిడ్ రావడంతో ముంబై వెళ్లానని.. మళ్లీ ఈ చిత్రంతో తెలుగు ఆడియెన్స్ ముందుకు రాబోతున్నానని.. ఇది నాకు రీఇంట్రడక్షన్‌ అంటోంది. ఈ చిత్ర కథ ఆది నుంచి అంతం వరకు థ్రిల్లింగ్ అనిపించిందనీ.. తన పాత్ర చాలా క్యాచీగా ఉంటోందని, హీరోయిన్ క్యారెక్టర్‌ చాలా బలంగా ఉంటుందని చెప్పిందామె.
శ్రీకాంత్ అడ్డాల కథ, కథనాల్లో క్లారిటీ ప్రీప్రొడక్షన్‌ వర్క్‌లో పర్‌ఫెక్షన్‌ కారణంగా షూటింగ్ టైమ్‌లో ఎలాంటి సవాళ్లు ఎదుర్కోలేదనీ.. అలాగే హీరో విరాట్‌ కర్ణ తో వర్క్‌ చాలా కంఫర్ట్‌గా ఉందనీ చెప్పుకొచ్చింది.
నటిస్తూనే చదువు కొనసాగిస్తున్నాననీ.. తన సినిమా ఎంట్రీకి మొదట్లో ఫ్యామిలీ సపోర్ట్‌ లేదనీ.. పెదకాపు సైన్‌ చేసాక.. అంతా ఒప్పుకున్నారని చెప్పారు. సమంత తన ఇన్‌స్పిరేషన్‌ అని, తాప్సీ చేసిన పాత్రలు కొన్ని చాలా ఇష్టమనీ.. అలాగే తెలుగులో వరుణ్‌తేజ్, రామ్‌చరణ్‌, ప్రభాస్‌ గార్లతో సినిమాలు చేయాలనుందని చెప్పారు ప్రగతి శ్రీవాస్తవ.
