‘సినిమా బండి‘ పేరే ఆసక్తి కరంగా ఉంది కదా..! ప్రవీణ్ కంద్రెగుల దర్శకుడిగా పరిచయమవుతూ అంతా కొత్తవారితో తెరకెక్కిన సినిమా ‘సినిమా బండి‘. ఈ సినిమా ట్రైలర్ ను విడుదల చేశారు మూవీ యూనిట్. ట్రైలర్ ఆధ్యాంతం సరదా సన్నివేశాలతో వినోదభరితంగా ఆసక్తికరంగా ఉంది. ఒక ఖరీదైన కెమెరాను ఎవరో ఓ షేర్ ఆటోలో మరిచిపోతారు. ఆ ఆటో డ్రైవర్ తన స్నేహితులు కలిసి సినిమా తీయాలనుకుంటారు. కానీ నిజానికి వాళ్లకు ఆ కెమెరాతో సినిమా ఎలా తీయాలో తెలీదు. ఆ కెమెరాతో వాళ్ళు చేసిన ప్రయోగాలు, ట్రైలర్ లో నటీనటులు సినిమా తీసే క్రమంలో వచ్చే సన్నివేశాలు, కామెడీ, డైలాగులు నవ్విస్తున్నాయి.
‘ద ఫ్యామిలీ మ్యాన్‘ వెబ్ సీరీస్ ను డైరెక్ట్ & ప్రొడ్యూస్ చేసిన రాజ్ & డి.కె సమర్పకులుగా వస్తున్న తెలుగు సినిమా ఇది. మే 14 న ఈ ‘సినిమా బండి‘ నెట్‌ ఫ్లిక్స్ లో ప్రసారం కానుంది. ఆ సరదా సన్నివేశాల ‘సినిమా బండి‘ ట్రైలర్ ను మీరు చూసేయండి.
