యంగ్ హీరో నాగశౌర్య ప్రస్తుతం ‘అశ్వథ్థామ’ థ్రిల్లర్ మూవీని రిలీజ్ చేసే హడావిడిలో ఫుల్ బిజీగా ఉన్నాడు. ఈ నెల 31న ప్రపంచవ్యాప్తంగా ఈ సినిమా విడుదల కాబోతోంది. టీజర్, ట్రైలర్స్ ప్రామిసింగ్ గా ఉండడంతో విడుదలకు ముందే ఈ మూవీకి టాలీవుడ్ లో పాజిటివ్ బజ్ ఏర్పడింది. కొత్త కుర్రోడు రమణ తేజ దర్శకత్వంలో గ్రిప్పింగ్ స్ర్కీన్ ప్లే తో తెరకెక్కిన ఈ మూవీ కి సంబంధించిన లేటెస్ట్ అప్డేట్ అంతటా ఆసక్తిగా మారింది. ఈ సినిమాకి పవర్ స్టార్ పవన్ కళ్యాణ్ వాయిస్ ఇచ్చాడట. హీరో నాగశౌర్యే ఈ విషయాన్ని కన్ఫర్మ్ చేసి పవర్ స్టార్ అభిమానుల్ని ఖుషీ చేశాడు.
ఈ మధ్యే మెగాస్టార్ ‘సైరా నరసింహారెడ్డి’ తెలుగు వెర్షన్ కి వాయిస్ ఓవర్ ఇచ్చి మెగా అభిమానుల మనసు దోచుకున్న పవర్ స్టార్ ఇప్పుడు ‘అశ్వథ్థామ’ చిత్రానికి వాయిస్ ఇవ్వడం హాట్ టాపిక్ అయింది. అయితే ఇక్కడ ట్విస్ట్ ఏంటంటే.. పవన్ నటించిన ‘గోపాలా గోపాలా’ మూవీ లో ఆయన చెప్పిన డైలాగ్స్ ను తమ సినిమాకి వాయిస్ గా తీసుకున్నారట. ఆ మేరకు ‘గోపాలా గోపాలా’ నిర్మాత శరద్ మరార్ నుంచి ప్రత్యేకమైన పర్మిషన్ కూడా తీసుకున్నారట. ఇక ‘అశ్వథ్థామ’ చిత్రం పవర్ స్టార్ ‘గోపాలా గోపాలా’ డైలాగ్స్ తోనే స్టార్ట్ అవుతుందట. మరి పవన్ కళ్యాణ్ వాయిస్ తో ‘అశ్వథ్థామ’ ఏ స్థాయి విజయం అందుకుంటుందో చూడాలి.
