తమిళ స్టార్ హీరో సూర్య ప్రస్తుతం సుధ కొంగర దర్శకత్వంలో ‘సూరారై పోట్రు’ (తెలుగులో ‘ఆకాశమే నీ హద్దురా’ )చిత్రంలో నటిస్తున్నాడు. త్వరలోనే ఈ సినిమా విడుదల కానుంది. ఇక ఈ మూవీ తర్వాత సూర్య యాక్షన్ డైరెక్టర్ హరి దర్శకత్వంలో ఒక మూవీకి కమిట్ అయ్యాడు. సినిమా పేరు ‘ఆరువా. ఇందులో సూర్య ద్విపాత్రాభినయం చేస్తున్నట్టు టాక్. విశేషమేంటంటే.. హీరోగానూ, విలన్ గానూ సూర్యనే నటించబోతున్నాడట.
గతంలో ‘24’ చిత్రంలో ఆత్రేయ అనే పాత్రతో సూర్య విలనిజం ఓ రేంజ్ లో ఎలివేట్ అయింది. అందులో కూడా మరో సూర్య పాత్ర హీరో అనే సంగతి తెలిసిందే. ఇంతకుముందు సూర్యతో ‘ఆరు , దేవా లాంటి చిత్రాలతో పాటు సింగం సిరీస్ కు దర్శకత్వం వహించాడు దర్శకుడు హరి. ఈ సినిమాలన్నీ మంచి విజయం సాధించిన నేపథ్యంలో .. ‘ఆరువా’ చిత్రానికి మంచి హైపు క్రియేట్ అయింది. మరి ఈ మూవీ సూర్యకి ఏ రేంజ్ లో పేరు తెచ్చిపెడుతుందో చూడాలి.
