నేచురల్ స్టార్ నానీ, వర్ధమాన హీరో సుధీర్ బాబు ప్రధాన పాత్రలో ఇంద్రగంటి మోహన కృష్ణ దర్వకత్వంలో తెరకెక్కుతోన్నయాక్షన్ థ్రిల్లర్ ‘వీ’. నివేదా థామస్, అదితీరావు హైదరీ కథానాయికలు గా నటిస్తోన్న ఈ సినిమా టీజర్ ను నిన్ననే సోషల్ మీడియా ద్వారా విడుదల చేశారు మేకర్స్. సీరియల్ కిల్లర్ నానీని పట్టుకోవడానికి రంగంలోకి దిగిన పోలీసాఫీసర్ గా సుధీర్ బాబు నటిస్తున్నాడు. నెగెటివ్ షేడ్స్ తో సాగే ఒక ఇంటెన్స్ కేరక్టర్ లో నానీ ఈ సినిమాతో ప్రేక్షకుల్ని థ్రిల్ చేయనున్నాడు. కాగా.. ఈ రోజు ఈ సినిమాకి సంబంధించిన ఒక పోస్టర్ ను నానీ ట్విట్టర్ వేదికగా విడుదల చేశాడు.
స్మోక్ చేస్తూ.. సీరియస్ లుక్ లో రీవీలైన తన ఫోటోను నానీ పోస్ట్ చేస్తూ.. స్మోకింగ్ ఆరోగ్యానికి హానికరం. కానీ వీడు స్మోకింగ్ కన్నా డేంజరస్ అనే కేప్షన్ ఇచ్చాడు. దీన్ని బట్టి ‘వీ’ మూవీలో నానీ పాత్ర చాలా డేంజరస్ అని అర్ధమవుతోంది. తన కెరీర్ లోనే ఎప్పుడూ చేయని ఒక పాత్రను చేస్తున్న నానీ.. ఈ సినిమాలోని తన పెర్ఫార్మెన్స్ తో ఖచ్చితంగా నెక్స్ట్ లెవెల్ కు వెళతాడని అంచనా వేస్తున్నారు. మరి ‘వీ’ సినిమా నానీకి ఏ రేంజ్ ఇమేజ్ తెచ్చిపెడుతుందో చూడాలి.
