మెగా మేనల్లుడు సాయిధరమ్ తేజ హీరోగా .. సుబ్బు అనే కొత్త కుర్రాడు తెరకెక్కిస్తోన్న ఇంట్రెస్టింగ్ లవ్ స్టోరీ ‘సోలో బ్రతుకే సో బెటర్’. ఈ సినిమా ప్రస్తుతం సెట్స్ మీదుంది. ప్రేమా గీమా లాంటి వ్యవహారాలేమీ పెట్టుకోకుండా సోలో గా జీవితాన్ని లీడ్ చేయడానికే ఇష్టపడే యువకుడిగా సాయిధరమ్ తేజ నటిస్తుండగా.. ప్రేమా , గీమా అంటూ అతడి చుట్టూ తిరిగి పరేషాన్ చేసే అమ్మాయిగా ‘మిస్టర్ మజ్నూ’ గాళ్ ఫేమ్ నజియా డేవిడ్ సన్ నటిస్తున్నట్టు సమాచారం. అఖిల్ హీరోగా నటించిన ‘మిస్టర్ మజ్ను’ అంతగా అలరించకపోయినా అందులో నజియా అందాలు యువతను బాగానే ఆకట్టుకున్నాయి.
బివీయస్ యన్ ప్రసాద్ నిర్మాణ సారధ్యంలో తెరకెక్కుతోన్న ‘సోలో బ్రతుకే సో బెబర్’ వివిధ లేయర్స్ లో సాగే ప్రేమకథ. మే 1న విడుదల కానున్న ఈ సినిమా కు సంబంధించిన ఫస్ట్ సింగిల్ ఇటీవల విడుదలైన సంగతి తెలిసిందే. ఇక ఈ సినిమా టీజర్ కూడా త్వరలోనే విడుదల కాబోతోంది. మరి ఈ సినిమాకి నజియా డేవిడ్ సన్ గ్లామర్ ఏ రేంజ్ లో ప్లస్ అవుతుందో చూడాలి.
