‘బాహుబలి’ తో అంతర్జాతీయ స్థాయిలో తన క్రేజ్ ను పెంచుకొన్నాడు యంగ్ రెబల్ స్టార్ ప్రభాస్ . ఆ సినిమాతో ఇండియాలోనే తొలి పాన్ ఇండియా స్టార్ గా అవతరించాడు. ‘సాహో’ చిత్రంతో అది మరోసారి రుజువైంది. ప్రస్తుతం సెట్స్ మీదున్న జిల్ రాధాకృష్ణ రొమాంటిక్ యాక్షన్ చిత్రం కూడా ఆ కోవలోనే రానుంది. ఇక అసలు విషయానికొస్తే.. ప్రభాస్ , నాగ్ అశ్విన్ కలయికలో వైజయంతి బ్యానర్ పై రీసెంట్ గా ఒక సినిమా అనౌన్స్ అయిన సంగతి తెలిసిందే. ఈ మూవీ కూడా పక్కా పాన్ ఇండియా సినిమా . అందులో ఎలాంటి సందేహం లేదు. భారీ స్థాయిలో త్వరలో సెట్స్ మీదకు వెళ్ళనున్న ఈ సినిమా గురించి ప్రభాస్ అభిమానులు సంబరాలు చేసుకొనే ఒక అప్డేట్ వచ్చింది.
ప్రభాస్ ఈ సినిమాలో సూపర్ హీరోగా నటించబోతున్నట్టు సమాచారం. టైమ్ మెషీన్ కాన్సెప్ట్ తో సైంటిఫిక్షన్ జోనర్ లో నాగ్ అశ్విన్ ఒక అద్భుతమైన కథతో ఈ సినిమా తెరకెక్కిస్తున్నట్టు సమాచారం. ప్రభాస్ 21వ చిత్రంగా రూపొందుతున్న ఈ సినిమా కి సంబంధించి ఇంకా ఎలాంటి కేస్టింగ్ సెలక్ట్ అవలేదు. నిర్మాణ రంగంలో 50 సంవత్సరాలు కంప్లీట్ చేసుకొన్న సందర్భంగా వైజయంతి బ్యానర్ పై అశ్వనీదత్ ఈ సినిమాను ప్రతిష్ఠాత్మకంగా తెరకెక్కిస్తున్నారు. మరి సూపర్ హీరోగా ప్రభాస్ నట విశ్వరూపం ఎలా ఉండబోతుందో చూడాలి.
