దక్షిణాదిన షకీలా పేరు తెలియని వారే లేరు. కొన్ని దశాబ్దాల కాలంపాటు శృంగార తార గా చక్రం తిప్పిన ఆమె .. ఒకానొక దశలో మలయాళ అగ్ర కథానాయకులకు కంటిమీద కునుకులేకుండా చేసింది. ఆమె నటించిన అడల్టరీ మూవీస్ రెగ్యులర్ మలయాళ చిత్రాలకు విపరీతమైన పోటీ ఇవ్వడంతో .. హీరోలు, దర్శక, నిర్మాతలు చాలా స్ట్రగుల్ చెందారు. ఆమె నటించిన చాలా చిత్రాలు తెలుగులో కూడా డబ్బింగ్ అయి ఇక్కడ కూడా బాగా ఆడాయి . అలాగే ఆమె కొన్ని డైరెక్ట్ తెలుగు చిత్రాల్లో కూడా నటించిన సంగతి తెలిసిందే. ప్రస్తుతానికి ఆమె తన సినీ జీవితానికి విరామమిచ్చి.. ఇప్పుడు మరో రూట్లో ట్రావెల్ చేస్తోంది. ఈ సారి ఆవిడగారు ఒక కథ రాసింది. అది కూడా కుటుంబ కథ. ఆ కథ కూడా ఒక టాలీవుడ్ చిత్రం కోసం. సినిమా పేరు ‘షకీలారాసిన మొట్టమొదటి ప్రేమకథా చిత్రమ్’. ఇటీవల ఈ సినిమాకి సంబంధించిన ట్రైలర్ ను విడుదల చేశారు మేకర్స్ .
విక్రాంత్ – పల్లవి ఘోష్ హీరో హీరోయిన్లుగా నటించిన ఈ సినిమాలో షకీలా కీలక పాత్రలో కనిపించనుంది. వీఎన్ సతీష్ కుమార్ ఈ సినిమాకి స్టోరీ – డైలాగ్స్ – డైరెక్షన్ చేయగా సాయిరామ్ దాసరి కాన్సెప్ట్ – స్క్రీన్ ప్లే అందించారు. ఇప్పటికే పోస్ట్ ప్రొడక్షన్ పూర్తి చేసుకొన్న ఈ సినిమాకి క్లీన్ యూ సెన్సార్ సర్టిఫికెట్ వచ్చింది. సి.హెచ్. వెంకట్ రెడ్డి తన 24 క్రాఫ్ట్స్ బ్యానర్ లో ఈ చిత్రాన్ని నిర్మించారు. లండన్ గణేష్ సహ నిర్మాతగా వ్యవహరించారు. ఈ సినిమాకు మధు పొన్నస్ సంగీతం అందించారు. ”షకీలా రాసిన మొట్ట మొదటి కుటుంబ కథా చిత్రమ్” సినిమా ఎప్పుడు రిలీజ్ అవుతుందో ప్రకటించకపోయినా నేరుగా ఓటీటీలో రిలీజ్ కానుందని తెలుస్తోంది. ఇప్పటికే స్ట్రీమింగ్ సూన్ అని మేకర్స్ పోస్టర్ ను విడుదల చేశారు. కాకపోతే ఏ డిజిటల్ ఫ్లాట్ ఫార్మ్ లో విడుదల అవుతుందో అని మాత్రం ప్రకటించలేదు.
ట్రైలర్ వీక్షించడానికి కింది లింక్ మీద క్లిక్ చేయండి.
https://www.youtube.com/watch?v=k2_7sSH3z7A&feature=emb_logo
