ప్రపంచ దేశాల్ని కరోనా వైరస్ ఒణికిస్తోన్న వేళ .. కేంద్ర ప్రభుత్వం 14 రోజుల లాక్ డౌన్ విధించిన సంగతి తెలిసిందే. ఆ ఎఫెక్ట్ తో చాలా మంది సెలబ్రిటీస్ ఇంటికే పరితమయ్యారు. ముఖ్యంగా సినీ సెలబ్రిటీస్ తమ తమ షూటింగ్స్ కేన్సిల్ చేసుకొని గత కొద్దిరోజులుగా ఇంట్లోనే ఫ్యామిలీతో గడుపుతున్న సంగతి తెలిసిందే. దాన్ని కొందరు నిర్మాతలు తమ సినిమాల ప్రచారానికి బాగా వాడుకుంటున్నారు.
ఈ నేపథ్యంలో రవితేజ, శృతిహాసన్ జంటగా నటిస్తున్న క్రాక్ సినిమా నుంచి శ్రీరామ నవమి సందర్బంగా మరో పోస్టర్‌ను విడుదల చేశారు. ఈ పోస్టర్‌లో నటుడు రవితేజ.. శృతి హాసన్‌తో పాటు ఒక బాబును ఎత్తుకుని ఫ్యామిలీతో ఎంజాయ్ చేస్తున్నాడు. ఇలాగే మీరు కూడా మీ ఫ్యామిలీతో ఇంట్లోనే ఉండి ఎంజాయ్ చేయండి అనే సందేశంను చిత్ర యూనిట్ సభ్యులు ఇస్తున్నారు. మరి ఇలాంటి సమయంలో క్రాక్ సినిమా నుంచి పోస్టర్ రిలీజ్ కావడం మాస్ మహారాజ ఫ్యాన్సుకు పండగ చేసుకునేలా చేసింది.
